ఫోటో స్టోరీ: క్వారంటైన్ లో అవే కృతికి టైం పాస్

హీరోయిన్ కృతి సనన్ పేరు దాదాపుగా తెలుగు సినిమా ప్రేక్షకులకు తెలిసే ఉంటుంది. మహేష్ బాబు అభిమానులకు అయితే కృతి పేరు తప్పనిసరిగా తెలిసే ఉంటుంది. సూపర్ స్టార్ తో '1 నేనొక్కడినే' లో జోడి కట్టిన హీరోయినే ఈ భామ. నాగ చైతన్య 'దోచేయ్' సినిమాలో కూడా నటించింది. గత కొంతకాలంగా బాలీవుడ్లో బిజీగా మారింది. అయితే గత కొన్ని రోజులుగా మాత్రం యమా ఖాళీగా ఉంది. ఎందుకో అందరికీ తెలిసిందే కాబట్టి మరోసారి చెప్పుకోవాల్సిన అవసరం లేనేలేదు.

మనం ఖాళీగా ఉన్నాము కదా అని ఓ పదేళ్ల క్రితం చివరిసారిగా మాట్లాడిన ఫోన్ నెంబర్ ను మన ఫోన్ బుక్ నుంచి దుమ్ముదులిపి బయటకు తీసి ఫోన్ చేసి "బగున్నారా.. బగున్నారా".. అని అదేదో సినిమాలో అలీ లాగా వేధించకుండా మరో రకంగా టైంపాస్ చేస్తోంది. ఈ భామ దగ్గర 2 పెంపుడు కుక్కలు ఉన్నాయి. మరీ కుఖ్క.. అంటే జంతు ప్రేమికులు బాధ పడే అవకాశం ఉంది కాబట్టి శునకములు అని సాఫ్ట్ గా పిలుచుకుందాం. ఒక శునకం పేరు డిస్కో.. మరో శునకం పేరు ఫోబీ. ఆ పెట్ డాగ్స్ తో ఆడుకుంటూ.. అవి ఎంతో ప్రేమగా తన చుట్టు తిరుగుతూ.. వాటి స్టైల్లో దబిడిదిబిడిగా ప్రేమను వ్యక్త పరుస్తూ ఉంటే కృతి ఆనందం పట్టలేకుండా ఉంది. అందుకే ఆ వీడియోను తన ఇన్స్టా ఖాతా ద్వారా పోస్ట్ చేసి.."ఉదయం పూట శునకం ప్రేమ" అంటూ ఓ క్యాప్షన్ ఇచ్చింది.

ఇక ఆ వీడియోలో కృతి పై ఆ శునకాలు చూపించిన ప్రేమను మాటల్లో చెప్పనలవి కాదు. ఈ వీడియో ఇన్స్టా లో భారీ స్పందన దక్కింది. ఇప్పటివరకు ఈ వీడియోకు 760 K లైక్స్ రావడం విశేషం. ఇక కృతి ఫ్యూచర్ ప్రాజెక్టుల విషయానికి వస్తే ప్రస్తుతం 'మిమి' అనే హిందీ సినిమాలో నటిస్తోంది.

View this post on Instagram

Morning licks & love!