ట్రైల‌ర్ టాక్: ఫ్యామిలీ ఎంట‌ర్ టైన‌ర్ లో కృతి బెస్ట్ అనిపిస్తోంది

ప్ర‌భాస్ స‌ర‌స‌న `ఆదిపురుష్ 3డి`లో న‌టిస్తున్న కృతి స‌నన్ కెరీర్ ఇప్పుడిప్పుడే స‌వ్య‌మైన దారిలోకి వ‌స్తోంది. ఇటీవ‌ల హిందీలో `మిమి` మూవీతో కృతి ఆక‌ట్టుకున్న విష‌యం తెలిసిందే. త్వ‌ర‌లో మ‌రో ఫ్యామిలీ ఎంట‌ర్ టైన‌ర్ తో ప్రేక్ష‌కుల్ని న‌వ్వించ‌డానికి రాబోతోంది. రాజ్ కుమార్ రావు- ప‌రేష్ రావ‌ల్ ప్ర‌ధాన పాత్ర‌ల్లో న‌టిస్తున్న `హ‌మ్ దో హ‌మారే దో` పేరుతో రూపొందిన‌ మూవీలో కృతి స‌న‌న్ హీరోయిన్ గా న‌టిస్తోంది. అభిషేక్ జైన్ ద‌ర్శ‌క‌త్వం వ‌హిస్తున్న ఈ మూవీ ఫుల్ ఆఫ్ ఫ‌న్ ఎంట‌ర్ టైన‌ర్ గా రూపొందింది.

తాజాగా ఈ మూవీ ట్రైల‌ర్ ని చిత్ర బృందం విడుద‌ల చేసింది. క‌థ చాలా సినిమాల్లో చూసిందే అయినా క‌థ‌నం కొత్త‌గా వుండేలా క‌నిపిస్తోంది. క‌థ ఏంటంటే రాజ్ కుమార్ రావుతో కృతి ప్రేమ‌లో ప‌డుతుంది. ఇద్ద‌రి ప్రేమ పెళ్లి దాకా వెళుతుంది.. అక్క‌డే చిన్న ట్విస్ట్‌.. కృతికి త‌న‌కు కాబోయే వాడికి అంద‌మైన ఫ్యామిలీతో పాటు ఓ కుక్క వుండాల‌ని కోరిక‌. కానీ రాజ్ కుమార్ రావు అనాధ‌. దీంతో కృతిని సొంతం చేసుకోవాలంటే త‌న‌కు ఓ న‌కిలీ ఫ్యామిలీ వుండాల్సిందేన‌ని ఓ ఫ్యామిలీని దించేస్తాడు.

ఈ క్ర‌మంలో సాగే చిత్ర విచిత్ర‌మైన సంఘ‌ట‌న‌లు.. ప‌రేష్ రావ‌ల్‌.. ర‌త్న పాఠ‌క్ మ‌ధ్య సాగే ల‌వ్ ట్రాక్ ఈ మూవీకి ప్ర‌ధాన హైలైట్ గా నిల‌వ‌బోతోంది. ఆద్యంత ఫున్ సీన్ ల‌తో హిలేరియ‌స్ ఎంట‌ర్ టైన‌ర్ గా ఈమూవీని ద‌ర్శ‌కుడు అభిషేక్ జైన్ తెర‌కెక్కించిన‌ట్టుగా ట్రైల‌ర్ చూస్తే అర్థ‌మ‌వుతోంది. రాజ్ కుమార్ రావు ఇందులో హీరో అయినా సినిమాకు ప్ర‌ధాన హైలైట్ గా ప‌రేష్ రావ‌ల్ .. ర‌త్న పాఠ‌క్ ల‌ ట్రాక్ నిలిచేలా క‌నిపిస్ఓతోంది. రోల‌ర్ కోస్ట‌ర్ ఫ‌న్ రైడ్ గా సాగే ఈ మూవీని ఓటీటీలో రిలీజ్ చేయ‌బోతున్నారు.