మహేష్‌ హీరోయిన్‌.. పేరు పెట్టే పిలుస్తుంది

వన్ నేనొక్కడినే హీరోయిన్ క్రితి సనోన్ కి హీరోయిన్ గానే కాదు.. వ్యక్తిగానూ మంచి పేరుంది. ఇలాంటి వ్యక్తిత్వం ఉన్న హీరోయిన్స్ అరుదుగా ఉంటారంటూ.. బాలీవుడ్ జనాలు ఈ అందగత్తెను ఆకాశానికి ఎత్తేస్తున్నారు. అలాగని ఈమె ఓ వందమందికి ఉపయోగపడే పనులేవీ చేయడం లేదు. జస్ట్ మాట తీరుతోనే ఇంతటి మంచి పేరు దక్కించుకుంది. క్రితి సనోన్ కి ఓ అలవాటుంది. ఎవరినైనా పేరు పెట్టే పిలుస్తుంది.

ఇది సాధారణమేగా అనుకోవచ్చు కానీ.. తన ఇంట్లో పని చేసే మనుషులను - సెక్యూరిటీ గార్డులను - హోటల్స్ లో సర్వ్ చేసే సర్వర్లను - షూటింగ్ లలో మేకప్ మెన్ - లైట్ బోయ్స్... ఇలా ఎవరినైనా పేరు పెట్టే పిలుస్తుంది. తనకంటే వయసులో తక్కువ ఉన్నవారిని మాత్రమే ఇలా పిలుస్తుంది లెండి. పెద్దవాళ్లకిచ్చే గౌరవం మామూలుగానే ఉంటుంది. అయితే.. తన కంటే వయసులోనూ, స్థాయిలోనూ చాలా తక్కువగా ఉన్నవాళ్లను కూడా పేరు పెట్టి గౌరవంగా పిలిచే సంస్కారం అందరికీ ఉండదు. కాస్త అరుదైన విషయమే. ఆమెతో పని చేసే వారు - పరిచయస్తులు అందుకే క్రితి గురించి గొప్పగా చెబుతుంటారు.

బాలీవుడ్ లో హీరోపంటీ చిత్రంతో అరంగేట్రం చేసిన క్రితి సనోన్.. ఆ చిత్రానికి గాను అనే డెబ్యూ యాక్ట్రెస్ అవార్డులు అందుకుంది. ప్రస్తుతం షారూక్ ఖాన్ - కాజోల్ జంటగా నటిస్తున్న బాలీవుడ్ ప్రెస్టీజియస్ మూవీ దిల్ వాలేలో వరుణ్ ధావన్ కు జంటగా యాక్ట్ చేస్తోంది క్రితి సనోన్.