రాణిగా వచ్చి మహేష్ భామ చిందులు

కృతి సనోన్ ఇప్పుడు బాలీవుడ్ భామగా వెలిగిపోతోంది. అయితే.. ఈమె మహేష్ బాబు మూవీ 1 నేనొక్కడితో అరంగేంట్రం చేయడంతో.. టాలీవుడ్ జనాల వరకూ ఈమెకు మహేష్ బ్యూటీ అనే పేరు ఫిక్స్ అయిపోయింది. ఇదిలా ఉంటే.. తాజాగా ఐపీఎల్ లో ఓపెనింగ్ సెర్మనీల హంగామా బాగా నడుస్తోంది.

ఏ జట్టుకు ఆ జట్టు.. తమ సొంత ప్లేస్ లో ఆడే మొదటి మ్యాచ్ కు ప్రారంభోత్సవ హంగామా చేస్తున్నారు. మొదట అమీ జాక్సన్ తో మొదలుపెడితే.. బాలీవుడ్ భామలతో చేయించిన ప్రోగ్రామ్స్ ఫెయిల్ అయ్యాయి. కానీ రాయల్ ఛాలెంజర్స్ బెంగళూరు.. ఢిల్లీ డేర్ డెవిల్స్ మధ్య బెంగళూరులో జరిగిన మ్యాచ్ కు ముందు కృతి సనోన్ చేసిన పెర్ఫామెన్స్ మాత్రం అందరినీ ఆకట్టుకుంది. మహరాణి రేంజ్ లో పల్లకిలో ఎంట్రీ ఇచ్చి.. ఆ తర్వాత తన గ్లామర్ కి తోడు.. ఈ భామ వేసిన డ్యాన్స్ మైండ్ బ్లోయింగ్ గా ఉంది. హీరోపంటి చిత్రం నుంచి 'మేరే నాల్ తు విజిల్ బాజా'.. దిల్ వాలే మూవీ నుంచి 'మన్మా ఎమోషన్ జాగే' పాటలు కృతి వేసిన స్టెప్స్ అదిరిపోయాయి.

అయితే.. ఈ ఫుల్ ఎపిసోడ్ ను ఇంటర్నెట్ లో షేర్ చేయకపోవడంతో చాలా మంది ఫీలయ్యారు. వీరందరి రిక్వెస్ట్ లను పరిశీలించిన కృతి సనోన్.. ప్రత్యేకంగా ఐపీఎల్ నిర్వాహకులతో మాట్లాడి.. ఆ ఎపిసోడ్ అప్ లోడ్ చేయించి మరీ.. సోషల్ మీడియాలో తన అభిమానులతో పంచుకుంది.

Like Us on Facebook : https://www.facebook.com/Tupakidotcom/