మరోసారి నా మనసు విరిగింది.. హీరోయిన్‌ ఎమోషన్‌

సుశాంత్‌ రాజ్‌ పూత్‌ నటించిన చివరి చిత్రం ‘దిల్‌ బేచారా’ తాజాగా ప్రేక్షకుల ముందుకు వచ్చింది. ఆ సినిమాపై ప్రేక్షకులు మాత్రమే కాకుండా సినీ ప్రముఖులు కూడా ప్రశంసలు కురిపిస్తున్నారు. కెరీర్‌ బెస్ట్‌ పెర్ఫార్మెన్స్‌ తో సుశాంత్‌ ఆకట్టుకున్నాడు అంటూ విమర్శకులు సైతం ప్రశంసలు కురిపిస్తున్నారు. సింపతితో పాటు సినిమా కూడా బాగుండటంతో ప్రేక్షకుల నుండి విశేష స్పందన దక్కింది. డిస్నీ హాట్‌ స్టార్‌ లో ఈ సినిమా స్ట్రీమింగ్‌ అవుతోంది. తాజాగా ఈ చిత్రంపై సుశాంత్‌ సహనటి.. ఆయన మాజీ ప్రియురాలిగా ప్రచారం జరుగుతున్న కృతి సనన్‌ స్పందించింది.

సినిమా చూసిన తర్వాత కృతి సనన్‌ ఇన్‌ స్టాగ్రామ్‌ లో.. ఇది ఏమాత్రం సరైనది కాదు. ఈ సినిమా చూసిన తర్వాత నా మనసు మరోసారి విరిగి పోయింది. సినిమాలోని మ్యానీ పాత్రను చూస్తున్నప్పుడు నువ్వు మళ్లీ తిరిగి వచ్చినట్లుగా అనిపించింది. నీవు స్క్రీన్‌ పై కనిపిస్తే నీవు బతికే ఉన్నావనిపించింది అంటూ ఎమోషన్‌ అయ్యింది. పాత్ర కోసం నీవు ఎంతగా ఫీల్‌ అవుతావో నాకు తెలుసు. ఒక్కోసారి నీవు మౌనంగా ఉన్నా కూడా ఎన్నో విషయాలను నువ్వు చెప్తావు అంది.

దర్శకుడు ముఖేష్‌ చాబ్రా గురించి మాట్లాడుతూ నీ మొదటి సినిమాతోనే మమ్మల్ని భావోద్వేగానికి గురి అయ్యేలా చేశావు. ఈ సినిమా నీకు ఎంత స్పెషల్‌ అన్నది నాకు తెలుసు. సంజనా సంఫీు నీకు ఇండస్ట్రీలో మంచి భవిష్యత్తు ఉండాలని కోరుకుంటున్నాను అంటూ చిత్ర యూనిట్‌ సభ్యులందరికి కూడా శుభాకాంక్షలు తెలిజేసింది. ఈ సందర్బంగా కృతి ఒక వీడియోను షేర్‌ చేసింది. ఆ వీడియోకు దాదాపుగా మిలియన్‌ లైక్స్‌ పది వేలకు పైగా కామెంట్స్‌ వచ్చాయి.