మరో చెల్లెలు రెడీ అయ్యిందండోయ్

బాలీవుడ్లో ఎప్పటినుండో హాట్ హాట్ అక్కల వెనుకే వారి చెల్లెళ్ళు కూడా వచ్చేస్తుంటారు. అదిగో అప్పట్లో కరిష్మా కపూర్ ఒక పెద్ద స్టార్ హీరోయిన్ అయితే.. ఆమె వెనుకనే వచ్చిన కరీనా కపూర్ ఇప్పుడు స్టార్ హీరోయిన్. అలాగే శిల్పా శెట్టి పెద్ద హీరోయిన్ అవ్వగా.. షమితా శెట్టి కొన్నిరోజులు బాగానే ఎట్రాక్ట్ చేసింది. ఆ తరువాత ఇదే బాటలో చాలామంది కజిన్స్ అండ్ రియల్ సిస్టర్స్ వచ్చారు కాని ఎవ్వరూ పెద్దగా హిట్టవ్వలేదు. టివి నటి శిల్పా శిరోద్కర్ చెల్లెలు నమ్రతా శిరోద్కర్ నుండి ఇప్పటి ప్రియాంకా చోప్రా కజిన్ పరిణీతి చోప్రా వరకు.. చాలామందినే చూశాం. ఇప్పుడు ఇంకో హాట్ సిస్టర్ కూడా రెడీ అవుతోంది.

ఆల్రెడీ హీరోయిన్ గా కృతి సనోన్ పెద్దగా ప్రూవ్ చేసుకోకపోయినా కూడా.. ఈ మధ్యనే వచ్చిన రాబ్తా సినిమాతో ఒక గ్లామరస్ స్టార్లెట్ గా పేరు తెచ్చుకుంది. అందుకే వరుసగా అమ్మడి చేతిలో పెద్ద సినిమాలు చాలానే పడుతున్నాయి. ఇప్పుడు ఈమె చెల్లెలు నూపుర్ సనోన్ కూడా సినిమా ఆరంగేట్రానికి రెడీ అవుతోంది. అప్పట్లో అడిగితే మా చెల్లికి ఇంట్రెస్ట్ లేదని చెప్పింది కాని.. ఇప్పుడు మాత్రం ఈ చిట్టి చెల్లెలె జిమ్ లో పిట్నెస్ బాడీని తయారు చేసుకొని.. హాట్ హాట్ ఫోటోషూట్లు కూడా చేయించుకుంటోంది. మరి హీరోయిన్ అవుదామని ఇంట్రెస్ట్ లేకపోయినప్పుడు ఈ ఫ్యాషన్ ఫోటోషూట్లు ఎందుకు? పెళ్ళిచూపులకు పంపించడానికా??

బాలీవుడ్లో వినిపిస్తున్న రూమర్ ఏంటంటే.. ఒక పెద్ద హీరో సినిమాలో తన చెల్లెల్ని హీరోయిన్ గా దించాలని చూస్తోందట కృతి. ఆల్రెడీ తన బాయ్‌ ఫ్రెండ్ సుశాంత్ సింగ్ రాజ్పుత్ సహాయంతో ఆమె సదరు హీరోను కన్విన్స్ చేసేసి.. నుపూర్ ఎంట్రీకి మార్గం సిద్దం చేసిందటలే.