మహేష్ భామ ఘాటు అవతారం!!

మహేష్ బాబుతో కలిసి 1 నేనొక్కడినే చిత్రంలో నటించిన హీరోయిన్ కృతి సనోన్. ఆ సినిమా ఫ్లాప్ అయినా.. అమ్మడి ట్యాలెంట్ ని మాత్రం సినిమా జనాలు బాగానే గుర్తించారు. అందుకే ఆ వెంటనే బాలీవుడ్ నుంచి కూడా పిలుపు వచ్చేసింది.

హిందీలో వరుస అవకాశాలను బాగానే అందుకుంటున్న ఈ బ్యూటీ.. రాన్రానూ హాట్ నెస్ తెగ పెంచేసుకుంటోంది. తాజాగా వోగ్ మేగజైన్ కవర్ పేజ్ పైకి ఎక్కేసిన కృతి సనోన్.. తన అందంలో ఉన్న హాట్ నెస్ ను పరిచేసింది. తప్పనిసరిగా చూడాల్సిన అనే అర్దం వచ్చేలా పెట్టిన ట్యాగ్ లైన్ కూడా బాగా కుదిరిందని చెప్పాలి. ఓ పెద్ద రాయికి ఓరగా ఆనుకుని నిలబడి అమ్మడు ఇచ్చిన పోజులో బోలెడన్ని ఘాటు అందాలను చూపించేసింది. ఇప్పటివరకూ ఈ పొడగరి అందానికి తగిన అవకాశం అందలేదనే చెప్పాలి.

గతేడాది ఒక్క సినిమా కూడా రిలీజ్ చేయని కృతి సనోన్.. ఈ ఏడాది మాత్రం రెండు మూవీస్ ని రెడీ చేసేస్తోంది. సుశాంత్ సింగ్ రాజ్ పుత్ తో కలిసి నటించిన రాబ్తా మూవీ రిలీజ్ కి రెడీ అవుతుండగా.. ఆయుష్మాన్ ఖురానాతో బెరైలీ కీ బర్ఫీ ప్రస్తుతం ప్రీ ప్రొడక్షన్ దశలో ఉంది. అవకాశం వస్తే టాలీవుడ్ లో నటించేందుకు రెడీనే అంటున్న కృతి సనోన్ కు.. ఆ ఛాన్స్ ఎవరిస్తారో!


Like Us on Facebook : https://www.facebook.com/Tupakidotcom/