కృతి శెట్టి రీ థింకింగ్..!

ఉప్పెనతో టాలీవుడ్ ఎంట్రీ ఇచ్చిన బెంగళూరు భామ కృతి శెట్టి తెలుగు తెరకు మరో ప్రతిభ గల కథానాయిక దొరికినట్టే అని అనుకున్నారు. ఆ సినిమాలో ఆమెని చూసి పదహారేళ్ల వయసు సినిమాలో శ్రీదేవి లా ఉందే ఈ అమ్మాయి అని అనుకున్నారు. సినిమా సూపర్ హిట్ అవడంలో అమ్మడు కూడా ఒక కారణం. ఉప్పెనతో స్టార్ క్రేజ్ తెచ్చుకున్న కృతి శెట్టి ఆ తర్వాత నానితో కలిసి శ్యామ్ సింగ రాయ్ లో నటించింది. ఆ సినిమా హిట్ పడగా అక్కినేని మల్టీస్టారర్ బంగార్రాజు తో కూడా హిట్ అందుకుంది. హ్యాట్రిక్ హిట్లు పడే సరికి అమ్మడి రేంజ్ పెరిగింది.

ఇక వస్తున్న ఆఫర్లు అన్నిటికీ ఓకే చెబుతూ వచ్చింది. దానితో సీన్ రివర్స్ అయ్యింది. రామ్ తో చేసిన ది వారియర్, నితిన్ తో చేసిన మాచర్ల నియోజకవర్గం, సుధీర్ బాబు ఆ అమ్మాయి గురించి మీకు చెప్పాలి సినిమాలు కృతికి ఫ్లాప్ ని పరిచయం చేశాయి.

అందుకే కృతి శెట్టి ఇక మీదట అలా వచ్చిన ప్రతి సినిమా చేయకుండా ఉండాలని రీ థింక్ చేస్తుందట. ప్రస్తుతం మళయాళ పీరియాడికల్ డ్రామా లో నటిస్తుంది కృతి. టోవినో థామస్ తో కలిసి జోడీ కడుతున్న కృతి శెట్టి ఆ సినిమాతో మళయాళం లోకి ఎంట్రీ ఇస్తుంది.

రీసెంట్ గా కోలీవుడ్ లో సూర్య సినిమా ఆఫర్ కూడా రాగా అది కాస్త మిస్ అయ్యింది. తన దగ్గరకు దర్శక నిర్మాతలు వస్తున్నా సరే కథ విషయంలో చాలా క్లారిటీగా ఉంటుందట కృతి.

రెమ్యునరేషన్ ఎక్కువ ఇస్తానన్నా సరే కథలో విషయం ఉంటేనే సినిమా చేస్తానని అంటుందట.3 ఫ్లాపులకే అమ్మడికి సీన్ బాగా అర్థమైనట్టు ఉంది అందుకే కృతిలో ఈ మార్పు వచ్చింది. హీరోయిన్ గా లాంగ్ రన్ ఉండాలంటే ఇలా ఏ సినిమా పడితే ఆ సినిమా చేస్తే మాత్రం కెరీర్ త్వరగానే ముగుస్తుంది.

వచ్చిన క్రేజ్ తో ఆఫర్లు వరుసగా వస్తున్నా వాటిలో సరైన కథలకు ఓకే చెప్పడంలో హీరోయిన్స్ టాలెంట్ ఉంటుంది. అంతేకానీ కాంబినేషన్స్ నమ్ముకుంటే మాత్రం కెరీర్ రిస్క్ లో పడినట్టే లెక్క. 3 వరుస ఫ్లాపులు పడే సరికి కృతి శెట్టికి టాలీవుడ్ లో ఆఫర్లు కరువయ్యాయి. ప్రస్తుతం నాగ చైతన్యతో కస్టడీ సినిమాలో నటిస్తుంది కృతి శెట్టి. మరి ఆ సినిమాతో అయినా ఆమె సక్సెస్ ట్రాక్ ఎక్కుతుందో లేదో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.