నాని.. కేటీఆర్.. ఒకే స్క్రీన్ పై

తెలుగు రాష్ట్రాల్లో సోషల్ మీడియాలో చాలా యాక్టివ్ గా ఉండే పొలిటీషియన్స్ లో అందరికన్నా ముందుండేది తెలంగాణ ఐటీ శాఖ మంత్రి కేటీఆర్. టెక్నాలజీ లేటెస్ట్ ట్రెండ్స్ ఫాలో అవుతూ నెటిజన్స్ ట్వీట్స్ కి వెంటనే రెస్పాండ్ అవుతుంటారు. తాజాగా హీరో నానితో కలిసి ఓ స్క్రీన్ షేర్ చేసుకున్న సందర్భాన్ని పురస్కరించుకుని ఆయన చేసిన ట్వీట్ ఇప్పుడు అందరి దృష్టిని ఆకర్షిస్తోంది.

రీసెంట్ గా ఓ యువకుడు క్లాస్ రూమ్‎లో స్టూడెంట్స్ కు పవర్ పాయింట్ ప్రజంటేషన్ ఇస్తున్నాడు. ఇప్పటి జనరేషన్‎లో నా రోల్ మోడల్స్ వీళ్ళే.. అంటూ స్క్రీన్ పై హీరో నాని - మంత్రి కేటీఆర్ ఫొటోలు డిస్ ప్లే చేసి వాళ్లు ఏ రకంగా తనకు ఇన్ స్పిరేషనో వివరించాడు. ఈ సెమినార్ కు వచ్చిన ఓ యువకుడు నాని - కేటీఆర్ ఒకే ఫొటోలు డిస్ ప్లే అవుతున్న సీన్ ను క్లిక్ మనిపించాడు. ఆ ఫొటోను వెంటనే కేటీఆర్ కు ట్వీట్ చేశాడు. దీనిని చూసిన మంత్రి కేటీఆర్ వెంటనే స్పందించారు. 'వావ్..! ఇది ఎక్కడ జరిగిందో కానీ.. చాలా గౌరవంగా ఫీల్ అవుతున్నా. పక్కనే ఉన్న నాని నాకు చక్కటి కంపెనీ ఇచ్చాడు' అని రిప్లై పెట్టారు.

కేటీఆర్ పెట్టిన ఈ ట్వీట్ కు నాని కూడా స్పందించారు. '‘నేనూ అదే ఫీల్ అవుతున్నా బ్రదర్.. ఈ ఫొటో చూసిన వెంటనే నా పెదవులపైనా చిరునవ్వు మెరిసింది. థాంక్యూ గైస్'’ అంటూ ట్వీట్ పెట్టాడు. మొత్తానికి సోషల్ మీడియా వీరిద్దరూ రెస్పాండయిన తీరు నెటిజన్లను బాగా ఆకట్టుకుంది.