ప్రభాస్‌ ను తెమ్మంటున్న మంత్రి కెటిఆర్‌

తెలంగాణ ఐటి మంత్రి కెటి రామారావు ఉన్నారు చూడండి.. ఒక ప్రక్కన ఎంతో సీరియస్ గా తన పొలిటికల్‌ అండ్‌ బ్యూరోక్రాటిక్‌ యంత్రాంగాన్ని నడిపిస్తూనే మరో ప్రక్కన తెలుగు సినిమా ఇండస్ర్టీకి చెందినవారితో చాలా చనువుగా ఉంటుంటారు. అదే ఆయన స్పెషాలిటీ. పైగా అలా చనువుగా ఉంటూ టాలీవుడ్‌ ను హైదరాబాద్‌ నుండి తరలిపోకుండా చూసుకుంటున్నానని ఆ మధ్యన ఒక ఇంటర్యూలో చెప్పుకొచ్చారు కూడా.

ప్రస్తుతం ఆయన నేషనల్‌ అవార్డు గెలిచిన బాహుబలి టీమ్‌ ను అభినందించారు. ఉత్తమ చిత్రం మరియు ఉత్తమ విజువల్‌ ఎఫెక్ట్స్ విభాగాల్లో జాతీయ ఫిలిం అవార్డును దక్కించుకున్న బాహుబలికి కృతజ్ఞతలు తెలిపారు. దర్శకుడు రాజమౌళి, నిర్మాత శోభు, హీరోయిన్‌ తమన్నా, హీరో రానాలకు ఆయన అభినందనలు తెలియజేశారు. ఈ సందర్భంలో ఒక జోక్‌ కూడా పేల్చారు. రానా బాబూ.. ముందు ప్రభాస్‌ ను ట్విట్టర్‌ లోకి తీసుకురా అన్నారు.

అప్పట్లో రాజమౌళి చొరవతోనే బాలీవుడ్‌ కూడా వెళుతున్నాడు కాబట్టి ప్రభాస్ తన అధికారిక ఫేస్‌ బుక్‌ పేజ్‌ ఓపెన్ చేశాడు. మరి ఇప్పుడు మంత్రి గార కూడా రిక్వెస్టు చేస్తున్నారు కాబట్టి.. మనోడు ట్విట్టర్‌ లోకి వస్తాడా? ఏమయ్యా ప్రభాసూ ఏమంటావ్?