రాముడి పాటల పోగ్రామ్‌ కి ముఖ్య అతిథిగా తారకరాముడు

సంక్రాంతికి భారీ అంచనాలతో రాబోతుంది మెగాపవర్‌ స్టార్‌ వినయ విధేయ రామ. బోయపాటి శ్రీను దర్శకత్వం వహిస్తున్న ఈ సినిమాతో మరో హిట్‌ని తన ఎక్కౌంట్‌లో వేసుకోవాలని భావిస్తున్నాడు రామ్‌ చరణ్‌. ఇప్పటికే ప్రమోషన్‌ కార్యక్రమాలు కూడా మొదలుపెట్టేశాడు. ఇందులో భాగంగా ఈ నెల 28న ఆడియో ఫంక్షన్‌ ని చాలా గ్రాండ్‌ గా ప్లాన్‌ చేస్తున్నారు. ఈ కార్యక్రమానికి ముఖ్య అతిథిగా కేటీఆర్‌ రాబోతున్నారు. టీఆర్‌ ఎస్‌ పార్టీ వర్కింగ్‌ ప్రెసిడెంట్‌ గా పగ్గాలు చేపట్టిన తర్వాత కేటీఆర్‌ వస్తున్న పబ్లిక్‌ మీటింగ్‌ ఇదే.

కేటీఆర్‌ - రామ్‌ చరణ్‌ ఇద్దరూ మంచి ఫ్రెండ్స్‌. గతంలో దృవ ఆడియో ఫంక్షన్‌ హైదరాబాద్‌ లోని కోట్ల విజయభాస్కరరెడ్డి ఇండోర్‌ స్టేడియంలో జరిగింది. ఈ కార్యక్రమానికి కేటీఆర్‌ చీఫ్‌ గెస్ట్‌ గా వచ్చాడు. సినిమా సూపర్‌ హిట్‌ అయ్యింది. అందుకే సెంటిమెంట్‌ గా భావించి మళ్లీ అదే ప్లేస్‌ లో ఆడియో లాంచ్‌ ని ఏర్పాటు చేశారు. చీఫ్‌ గెస్ట్‌ గా కేటీఆర్‌ ని కూడా అహ్వానించారు. తన ఫ్రెండ్‌ పిలిస్తే కేటీఆర్‌ రాకుండా ఉంటాడా. కచ్చితంగా వస్తానని మాట ఇచ్చాడట. ఈ ఆడియోలో ఇంకో హైలెట్‌ ఏంటంటే.. ఇండస్ట్రీ హేమాహేమీలంతా వస్తున్నారు. ఎన్టీఆర్‌ - ప్రభాస్‌ - రాజమౌళి - రానా లాంటి స్టార్స్‌ మొత్తం ఈ ఈవెంట్‌ కే హైలెట్‌గా నిలవబోతున్నారు. అయితే.. ఎంతమంది స్టార్స్‌ వచ్చినా రాష్ట్రానికి కాబోయే ముఖ్యమంత్రి కేటీఆర్‌ వస్తే ఆ కిక్కే వేరప్పా.