బేబీకి జన్మనిచ్చిన బుల్లితెర నటి

ఉత్తరాది ప్రేక్షకులకు కుమ్‌ కుమ్‌ డైలీ సీరియల్‌ తో చాలా దగ్గర అయిన నటి శిఖా సింగ్‌ నిన్న పండంటి బేబీకి జన్మనిచ్చింది. ఈ విషయంను ఆమె భర్త కరణ్‌ షా ప్రకటించాడు. తమ కుటుంబంలోకి కొత్తగా ఒక చిన్నారి వచ్చింది. ఆ చిన్నారితో మా ఆనందం మరింతగా పెరుగుతుందని ఆశిస్తున్నాం. ప్రస్తుతం శిఖా ఇంకా పాపాయి చాలా ఆరోగ్యంగా ఉన్నారు. వారిద్దరు కూడా త్వరలోనే మా ఇంట్లో అడుగు పెట్టబోతున్నందుకు చాలా సంతోషంగా ఎదురు చూస్తున్నామని పేర్కొన్నారు.

కరణ్‌ షా ఇంకా సోషల్‌ మీడియా ద్వారా తన పాప విషయాలను షేర్‌ చేసుకుంటూ... తమ పాపకు అలమ్‌ నా సింగ్‌ షా అనే పేరు పెట్టినట్లుగా పేర్కొన్నాడు. తమ జీవితాలు కొత్తగా మారబోతున్నాయి. ఈ విషయంలో చాలా సంతోషంగా ఉన్నామని అన్నాడు. శిఖా సింగ్‌ డెలవరీకి ముందు కూడా ఇద్దరు నెట్టింట చాలా పోస్ట్‌లు పెట్టారు. ప్రీ డెలవరీ ఫొటో షూట్‌తో పాటు చాలా సందర్బాల్లో ఫొటోలను పోస్ట్‌ చేయడం జరిగింది. జీవితంలో కొత్త పాత్ర ధరించేందుకు సిద్దంగా ఉన్నాను. రీల్‌ లైఫ్‌ పాత్రల మాదిరిగానే రియల్‌ లైఫ్‌ పాత్రను కూడా రక్తి కట్టించేందుకు కష్టపడతానంటూ కొన్ని రోజుల క్రితం శిఖా సింగ్‌ సోషల్‌ మీడియా ద్వారా పోస్ట్‌ చేసింది. 2016, మే 1వ తారీకున కరణ్‌ షాను శిఖా సింగ్‌ ప్రేమ వివాహం చేసుకుంది.