రొమాంటిక్ యాంగిల్ వర్కవుటైతేనే

ఏదైనా సెన్సిటివ్ పాయింట్‌ ని కంటెంట్‌ గా ఎంచుకుని రొమాంటిక్ గా డీల్ చేయ‌గ‌ల ద‌ర్శ‌కుడు సుకుమార్. ఆర్య - ఆర్య‌-2 - 100 ప‌ర్సంట్ ల‌వ్ చిత్రాలు పూర్తిగా ఆ కోవ‌కు చెందిన‌వే. అత‌డు తీసే ప్ర‌తి సీన్‌ లో స్ప‌యిసీ స్ప‌యిసీ. హాట్ అప్పియ‌రెన్స్ అత‌డి యూఎస్‌ పీ. ప్ర‌తి స‌న్నివేశాన్ని చాలా అందంగా చిత్రీక‌రిస్తాడు సుక్కు. ఆ సినిమా ను క‌మ‌ర్శియ‌లైజ్ చేయ‌డానికి హీరోయిన్ అందాల‌ను ఎర‌గా వాడ‌తాడు. పై మూడు చిత్రాల్లో ఆర్య సిరీస్ భారీ బ‌డ్జెట్ సినిమాలు. బ‌న్నీ రేంజు హీరోతో చేసిన‌వి కాబ‌ట్టి బ‌డ్జెట్ ప‌రంగా పెద్ద స్పాన్ ఉన్న‌వే. కానీ అత‌డు బ‌డ్జెట్‌ ని కుదించి 100 ప‌ర్సంట్ ల‌వ్ తీసి పెద్ద హిట్ కొట్టాడు. నిర్మాత‌ల‌కు భారీ లాభాల్ని తెచ్చి పెట్టిన చిత్ర‌మిది. ఇందులోనూ స్ప‌యిసీ కంటెంట్ యూత్‌ కి పిచ్చెక్కించింది. అందుకే ఇప్పుడు సుక్కూ నిర్మిస్తున్న తాజా చిత్రంపైనా భారీ అంచ‌నాలేర్ప‌డ్డాయి.

ఈ అంచ‌నాల‌కు కార‌ణం సుక్కూ లోని రొమాంటిక్ యాంగిలే. తాజాగా ఆయ‌న నిర్మాతగా మారి ర‌చ‌న చేసిన చిత్రం కుమారి 21 ఎఫ్. ఎలాంటి హిట్ కొడుతుంది ? అన్న‌దే హాట్ టాపిక్‌. అయితే ఈ చిత్రానికి కూడా ఆ ప్లేవ‌ర్ ఏ మాత్రం త‌గ్గ‌ద‌ని టైటిల్ ల్లోనే తెలుస్తోంది. ఇప్ప‌టికే నెట్ లో హాట్ చ‌ల్ చేస్తున్న పోస్ట‌ర్ లు కూడా సినిమాపై హైప్ పెంచుతున్నాయ్‌. ఇందులో రాజ్ త‌రుణ్ - హీబా ప‌టేల్ జంట‌గా న‌టిస్తున్నారు. రాజ్ త‌రుణ్ లవర్ బోయ్ ఇమేజ్...అందుకున్న స‌క్సెస్ కుమారికి బాగా క‌లిసొస్తాయ‌నే అంచ‌నా. తేజ శిష్యుడు సూర్య ప్ర‌తాప్ ఈ చిత్రానికి ద‌ర్శ‌క‌త్వం వ‌హిస్తున్నాడు. సూర్య ప్ర‌తాప్ సుకుమార్ తో కూడా గతంలో అసోసియేట్ గా ట్రావెల్ అయ్యాడు. ఇటీవ‌లే సినిమా చిత్రీక‌ర‌ణ కూడా పూర్త‌యింది. వ‌చ్చేనెలాఖ‌రుకు ఫ‌స్ట్ లుక్ పోస్ట‌ర్ సినిమా రిలీజ్ వివ‌రాలు తెలియజేయ‌నున్నారు. ఈ చిత్రానికి దేవీ శ్రీ ప్ర‌సాద్ సంగీతం అందిస్తున్నాడు.