సుకుమారా మజాకా!

‘1 నేనొక్కడినే’ పెద్ద ఫ్లాప్ అయి ఉండొచ్చు. కానీ దర్శకుడిగా సుకుమార్ స్థాయి ఇంచి కూడా కిందికి దిగలేదు. నిజంగా చెప్పాలంటే ఆ సినిమాతో దర్శకుడిగా మరో మెట్టు ఎదిగాడు సుక్కు. యూత్ ఆడియన్స్ లో సుకుమారుడికున్న క్రేజ్ అంతా ఇంతా కాదు. ‘1 నేనొక్కడినే’ కొంచెం సీరియస్ గా సాగే సినిమా కానీ.. అంతకుముందు సుక్కు తీసిన సినిమాలన్నీ చాలా రొమాంటిక్ గా ఉంటూ యూత్ ఆడియన్స్ ని గిలిగింతలు పెట్టాయి. తన ప్రతి సినిమాతోనూ ఓ ప్రత్యేకమైన ముద్ర వేసిన సుక్కు.. టాలీవుడ్ లో తనకంటూ ఓ బ్రాండ్ ఇమేజ్ తెచ్చుకున్నాడు. ఆ ఇమేజ్ ను వాడుకుని తన నిర్మాణంలో చిన్న సినిమాలు చేయడానికి తయారయ్యాడు ఈ టాలెంటెడ్ డైరెక్టర్.

సుకుమార్ తొలిసారి కథ అందించి, నిర్మాణంలోనూ పాలుపంచుకున్న ‘కుమారి 21 ఎఫ్’కు సంబంధించి నిన్న ఫస్ట్ లుక్ పోస్టర్ లు రిలీజ్ చేశారు. ఈ పోస్టర్ లు సోషల్ మీడియాలో పెద్ద సెన్సేషనే అయ్యాయి. సుకుమార్ ముద్ర స్పష్టంగా ఈ పోస్టర్ లలో కనిపించింది. హీరోకు హీరోయిన్ ముద్దు పెడుతున్న దృశ్యంతో ఉన్న పోస్టర్ ఆహ్లాదంగా అనిపిస్తే.. ఎర్రటి పెదవులతో ఉన్న ‘లవ్’ పోస్టర్ రొమాంటిగ్గా అనిపించింది. నిన్న సాయంత్రం ఈ పోస్టర్ లు రిలీజైనప్పటి నుంచి సోషల్ మీడియాలో హాట్ టాపిక్ అయిపోయాయి. ట్విట్టర్ లో ఈ రోజంతా హైదరాబాద్ లో టాప్ లెవెల్ లో ట్రెండయింది ‘కుమారి 21 ఎఫ్’ హ్యాష్ ట్యాగ్. ఓ దశలో ఇండియా లెవెల్ లోనూ ఇది ట్రెండయింది. సుకుమార్ సినిమా అంటే జనాల్లో ఎంత క్రేజ్ ఉందో చెప్పడానికి ఇది ఉదాహరణ. రాజ్ తరుణ్ - హీబా పటేల్ జంటగా నటిస్తున్న ఈ సినిమా దేవిశ్రీ ప్రసాద్ (సంగీతం), రత్నవేలు (సినిమాటోగ్రఫీ) లాంటి టాప్ టెక్నీషియన్స్ పని చేస్తుండటం విశేషం.