జాకీచాన్ ఇండియన్ స్టైల్లో అదరగొట్టాడు

ఇంటర్నేషనల్ స్టార్ జాకీ చాన్ కొత్త సినిమా కుంగ్ ఫు యోగా. సాధారణంగా జాకీచాన్ సినిమాలు ప్రపంచం అంతా ఆకట్టుకుంటాయి కానీ.. ఈసారి మాత్రం కథ ఇండియా నేపథ్యంలో సాగడం ఈ మూవీ స్పెషాలిటీ. అందుకోసమే.. లీడ్ రోల్స్ లో ఇండియన్ యాక్టర్స్ నే తీసుకున్నారు.

జాకీచాన్.. ఇప్పుడు ఇండియన్ స్టైల్ లో అంటూ వచ్చిన.. కుంగ్ ఫు యోగా ట్రైలర్ ఆకట్టుకుంటోంది. స్టోరీ ప్రకారం చైనాలోని టెరాకోట వారియర్స్ మ్యూజియంలో ఆర్కియాలజీ ప్రొఫెసర్ గా పనిచేస్తుంటాడు జాకీ చాన్. తన టీంతో కలిసి టిబెట్ లో జాకీచాన్ ఎలాంటి సాహసాలు చేశాడన్నదే మూవీ. ఇందుకోసం ఓ యంగ్ ప్రొఫెసర్ నటించిన అమైరా దస్తూర్.. అసిస్టెంట్ గా దిశా పటానీ నటించారు. వీళ్లంతా కలిసి టిబెట్ లో మగధ సామ్రాజ్యానికి సంబంధించి ఖజానా వెతుకుతూ ఉంటారు. ఈ సమయంలో వారికి ఎలాంటి ఇబ్బందులు ఎదరయ్యారో చూడాలంటే కుంగ్ ఫు యోగా చూడాల్సిందే.

విలన్ గా నటించిన సోనూ సూద్.. జాకీచాన్ మధ్య వచ్చే యాక్షన్ దృశ్యాలు ట్రైలర్ లో ఆకట్టుకుంటున్నాయి. సోనూ సూద్.. దిశా పటానీలు కుంగ్ ఫు యోగాతో అంతర్జాతీయ సినిమాల్లోకి అరంగేట్రం చేస్తుండడం విశేషం. ఇండియాలో ఈ మూవీని ఫిబ్రవరి 3న విడుదల చేయాలని నిర్ణయించారు.



Like Us on Facebook : https://www.facebook.com/Tupakidotcom/