'తెనాలి రామకృష్ణ' కర్నూలు కత్తి మస్త్‌ మాస్‌ బీట్‌

సందీప్‌ కిషన్‌ హీరోగా హన్సిక హీరోయిన్‌ గా తమిళ స్టార్‌ హీరోయిన్‌ వరలక్ష్మి కీలక పాత్రలో నటించిన 'తెనాలి రామకృష్ణ బిఏ. బిఎల్‌' చిత్రం వచ్చే నెలలో ప్రేక్షకుల ముందుకు రాబోతున్న విషయం తెల్సిందే. ఎంటర్‌ టైన్మెంట్‌ చిత్రాలకు కేరాఫ్‌ అడ్రస్‌ చెప్పుకునే దర్శకుడు జి నాగేశ్వర రెడ్డి దర్శకత్వంలో ఈ చిత్రం రూపొందింది. పూర్తి ఎంటర్‌ టైనర్‌ గా ఈ చిత్రం రూపొందించినట్లుగా చిత్ర యూనిట్‌ సభ్యుల ద్వారా సమాచారం అందుతోంది.

సినిమా విడుదల తేదీ దగ్గర పడుతున్న నేపథ్యంలో మొదటి పాటను నేడు విడుదల చేశారు. కర్నూలు కత్తివా.. గుంటూరు మిర్చివా అంటూ సాగే ఈ పాట మాస్‌ ఆడియన్స్‌ ను ఆకట్టుకునే విధంగా ఉంది. మాస్‌ బీట్స్‌ తో లిరిక్‌ క్లీయర్‌ గా అర్థం అయ్యేలా సంగీత దర్శకుడు సాయి కార్తీక్‌ ట్యూన్‌ చేశాడు. ఈ సినిమా సాయి కార్తీక్‌ కు 75వ చిత్రం అవ్వడంతో చాలా ప్రత్యేకంగా ఈ ఆల్బమ్‌ ను ట్యూన్‌ చేస్తున్నాడట. ఈ పాటకు సాహిత్యంను చిలక రేఖ గణేష్‌ అందించగా.. ధనుంజయ్‌ పాడాడు. నేడు విడుదలైన మొదటి పాటతో చాలా ప్రత్యేంగా ఈ సినిమాలోని పాటలు ఉంటాయనిపిస్తుంది.

టైటిల్‌ తనే సినిమాపై ఆసక్తిని పెంచేసిన మేకర్స్‌ ఇక ప్రమోషన్‌ తో సినిమాపై అంచనాలు పెంచేయాలని భావిస్తుంది. అందులో భాగంగానే మొదటి మాస్‌ బీట్‌ ను విడుదల చేసింది. పాటలో విజువల్స్‌ కూడా కలర్‌ ఫుల్‌ గా సందీప్‌ కిషన్‌.. హన్సికలు చాలా అందంగా కనిపిస్తున్నారు. ఇక వరలక్ష్మి చాలా సీరియస్‌ పాత్రలో కనిపించబోతున్నట్లుగా ఈ పాటలో వస్తున్న విజువల్స్‌ ను బట్టి అర్థం చేసుకోవచ్చు. ఈ చిత్రంపై సందీప్‌ కిషన్‌ తో పాటు చిత్ర యూనిట్‌ సభ్యులంతా కూడా చాలా నమ్మకంగా కనిపిస్తున్నారు. త్వరలోనే ప్రమోషన్‌ స్పీడ్‌ ను మరింత పెంచబోతున్నారట.