జాతీయ గీతాన్ని అవ‌మానించిన అమీషా

బద్రి సినిమాతో తెలుగువారి గుండెల్లో చోటు సంపాదించుకుంది అమీషా ప‌టేల్. ఆ త‌ర్వాత మ‌హేష్ స‌ర‌స‌న నాని చిత్రంలో న‌టించింది. బాల‌య్య‌బాబు - ఎన్టీఆర్ వంటి స్టార్ హీరోల స‌ర‌స‌న న‌టించింది. అయినా టాలీవుడ్‌ లో స్టార్ హీరోయిన్ స్టాట‌స్ అందుకోలేకపోయింది. ఒక్క బ‌ద్రి త‌ప్ప ఆ త‌ర్వాత న‌టించిన సినిమాల‌న్నీ ఫ్లాపులు కావ‌డంతో రేసులో లేకుండా పోయింది. పోనీ బాలీవుడ్ లో అయినా టాప్ హీరోయిన్‌ గా వెలిగిపోయిందా అంటే అక్క‌డా అంతంత మాత్రంగానే కెరీర్‌ ని సాగించింది.

ఇకపోతే ఇప్పుడు అమ్మడు మ‌రో రాంగ్ రీజ‌న్‌ తో బాలీవుడ్‌ లో చ‌ర్చ‌ల్లోకొచ్చింది. ఈ అమ్మ‌డు జాతీయ గీతాన్ని అవ‌మానించింది. నిన్న‌టిరోజున అమీషా ముంబై జుహూ ప్రాంతంలోని ఓ థియేట‌ర్‌ కి వెళ్లింది. అక్క‌డ సినిమా థియేట‌ర్లో షో ప్రారంభానికి ముందు జాతీయ గీతం వినిపించిన‌ప్పుడు అదేమీ ప‌ట్టించుకోకుండా తీరిగ్గా కూచుని సెల్‌ ఫోన్‌ లో గేమ్స్ ఆడుకుంటోంది. జాతీయ గీతాన్ని అవ‌మానించేలా ప్ర‌వ‌ర్తించింది. అయితే ఆ గుంపులోంచి టీవీ న‌టుడు కుషాల్ టాండ‌న్ అమ్మ‌డి నిర్వాకాన్ని చూశాడు. ఆన్‌ లైన్‌ లో ఈ విష‌యంపై ప్ర‌చారానికి పెట్టాడు.

థియేట‌ర్‌ లో అంద‌రూ నిలుచుని జాతీయ గీతాన్ని ఆల‌పిస్తుంటే.. త‌ను మాత్రం ఫోన్‌ తో ఆడుకుంటోంది. ఎవ‌రో ఫిజిక‌ల్ హ్యాండికేప్ అనుకున్నా మొద‌ట‌. తీరా చూస్తే ఈవిడ‌గారు.. అంటూ సెటైర్ వేశాడు టాండ‌న్‌. గౌహార్‌ ఖాన్‌ తో ఎఫైర్ న‌డిపించిన స‌ద‌రు టాండ‌న్ .. ఇప్పుడు ఇలా మ‌రోసారి వార్త‌ల్లోకొచ్చాడు. అమీషా ప‌రువును బ‌జారు కీడ్చ‌డం ద్వారా.