క‌మ‌ల్ కు జై కొట్టిన ఖుష్బూ!

కొద్ది రోజులుగా త‌మిళ‌నాడు రాజ‌కీయాల్లో సినీ ప్ర‌ముఖుల ప్రవేశం గురించి అటు అభిమానుల్లోనూ, ఇటు రాజ‌కీయ వ‌ర్గాల్లోనూ తీవ్రమైన చ‌ర్చ‌లు జ‌రుగుతున్నాయి. ర‌జ‌నీకాంత్ త‌న అభిమానుల‌తో నిర్వ‌హించిన‌ ఫొటో సెష‌న్ల సంద‌ర్భంగా రాజ‌కీయ ప్రవేశం గురించి న‌ర్మ‌గ‌ర్భ వ్యాఖ్య‌లు చేసిన సంగ‌తి తెలిసిందే. అదే త‌ర‌హాలో విశ్వనటుడు కమలహాసన్ రాజ‌కీయ ప్ర‌వేశంపై కూడా త‌మిళ‌నాట చ‌ర్చ‌లు జ‌రుగుతున్నాయి.

సాధార‌ణంగా కమలహాసన్ సోషల్ మీడియాలో చాలా యాక్టివ్ గా ఉంటారు. ఈ మ‌ధ్య కాలంలో సంద‌ర్భాన్ని బ‌ట్టి తమిళనాడులోని రాజకీయ పార్టీలు, నేతలపై తీవ్ర విమర్శలు చేస్తున్న సంగ‌తి తెలిసిందే. క‌మ‌ల్ కూడా రాజకీయాల్లోకి రావాల‌నే ఈ త‌ర‌హా వ్యాఖ్య‌లు చేస్తున్నార‌ని రాజ‌కీయ విశ్లేష‌కులు భావిస్తున్నారు. ఆ వ్యాఖ్య‌ల‌కు బ‌ల‌మిస్తూ క‌మల్ జులై 19న ట్విట్ట‌ర్లో ఓ క‌విత‌ను పోస్ట్ చేశారు.

ఈ ఊహాగానాల నేప‌థ్యంలో క‌మ‌ల్ రాజ‌కీయ ప్ర‌వేశంపై సినీ నటి, కాంగ్రెస్ నేత ఖుష్బూ స్పందించారు.కమలహాసన్‌ రాజకీయాల్లోకి వస్తే తాను స్వాగతిస్తానని అన్నారు. ఆయనకు మద్దతు పలుకుతానని, అవినీతికి వ్యతిరేకంగా కమల్‌ చేస్తున్న ప్రయత్నాలను స్వాగ‌తిస్తాన‌ని అన్నారు. కమల్‌ కు తన మద్దతు, అభిమానం ఎప్పుడూ ఉంటుందని చెప్పారు.