ఫన్నీ సాంగ్‌.. దేవరకొండ జాబ్‌ తిప్పలు!

విజయ్‌ దేవరకొండ ‘నోటా’ చిత్రం వచ్చి రెండు నెలలు కూడా అయ్యిందో లేదో అప్పుడే ‘ట్యాక్సీవాలా’ చిత్రంతో ప్రేక్షకుల ముందుకు వచ్చేందుకు సిద్దం అయ్యాడు. గీత గోవిందం చిత్రానికి ముందు ఈ చిత్రం విడుదల అవ్వాల్సి ఉండే. కాని అనుకోని అవాంతరాల వల్ల ఈ చిత్రం విడుదల వాయిదాలు పడుతూ వచ్చి ఎట్టకేలకు విడుదలకు సిద్దం అయ్యింది. సైలెంట్‌ గా మొదలైన ఈ చిత్రం ప్రమోషన్స్‌ స్పీడ్‌ అందుకున్నాయి. సినిమాపై అంచనాలు పెరిగేలా రోజు రోజు కొత్త కొత్త వీడియోలను విడుదల చేస్తున్న చిత్ర యూనిట్‌ సభ్యులు తాజాగా ఒక ఫన్నీ సాంగ్‌ ను విడుదల చేయడం జరిగింది.

ట్యాక్సీవాలా చిత్రంలో విజయ్‌ దేవరకొండ నిరుద్యోగిగా కనిపించబోతున్నట్లుగా ఈ పాటను చూస్తుంటే అనిపిస్తుంది. పాటలో విజయ్‌ దేవరకొండ చిన్న చిన్న ఉద్యోగాలు చేస్తూ ఇబ్బందులు పడటం చాలా ఫన్నీగా చూపించారు. ముఖ్యంగా డోర్‌ వద్ద చెక్‌ చేసే ఉద్యోగం మస్త్‌ కామెడీ ఉంది. విజయ్‌ దేవరకొండ తనదైన మార్క్‌ ఎక్స్‌ ప్రెషన్స్‌ తో ఈ పాటతో ప్రేక్షకులను నవ్విస్తున్నాడు. సినిమాలో ఇంకా భారీగానే నవ్వులు పుయ్యబోతున్నట్లుగా అనిపిస్తుంది.

ట్యాక్సీవాలా చిత్రం విజయంతో మరోసారి తన స్టామినా, స్టార్‌ డంను చూపించుకునేందుకు విజయ్‌ దేవరకొండ ప్రయత్నాలు చేస్తున్నారు. గీతాఆర్ట్స్‌ 2 మరియు యూవీ క్రియేషన్స్‌ బ్యానర్‌ ల సమర్పణలో ఎస్‌ కే ఎన్‌ ఈ చిత్రాన్ని నిర్మించాడు. అన్ని వర్గాల వారిని ఆకట్టుకునేలా ఈ చిత్రంలో ఎంటర్‌ టైన్‌ మెంట్‌ ఉంటుందని చిత్ర యూనిట్‌ సభ్యులు చెబుతున్నారు. ఈనెల 17న విడుదల కాబోతున్న ట్యాక్సీవాలా ఇంకా ఎంతగా కామెడీ పండిస్తాడనేది చూడాలి.