మహేష్ కు జోడీగా లేడీ సూపర్ స్టార్..?

సూపర్ స్టార్ మహేష్ బాబు - త్రివిక్రమ్ శ్రీనివాస్ కాంబోలో 'అతడు' 'ఖలేజా' వంటి క్లాసిక్స్ తర్వాత ఇటీవలె హ్యాట్రిక్ మూవీకి అధికారిక ప్రకటన వచ్చిన విషయం తెలిసిందే. హారిక అండ్ హాసిని క్రియేషన్స్ ప‌తాకంపై రాధాకృష్ణ‌(చిన‌బాబు) ఈ చిత్రాన్ని నిర్మించనున్నారు. ప్రస్తుతం మహేష్ నటించనున్న ఈ 28వ చిత్రానికి సంబంధించిన ప్రీ ప్రొడక్షన్ వర్క్ జరుగుతోంది. అలానే త్రివిక్రమ్ క్యాస్టింగ్ ని కూడా ఫైనలైజ్ చేసే పనిలో ఉన్నారని తెలుస్తోంది.

'#SSMB28' చిత్రంలో ఇద్దరు ముద్దుగుమ్మలతో మహేష్ రొమాన్స్ చేయనున్నాడని వార్తలు వస్తునాయి. ఈ క్రమంలో తాజాగా లేడీ సూపర్ స్టార్ నయనతార ఇందులో మహేష్ కు జోడిగా నటించే అవకాశం ఉందని.. ఇప్పటికే స్టార్ హీరోయిన్ తో మేకర్స్ చర్చలు జరుపుతున్నారని టాక్ వినిపిస్తోంది. ఇదే కనుక నిజమైతే మహేష్ - నయన్ జంట మొదటిసారి సిల్వర్ స్క్రీన్ పై అలరిస్తుందని చెప్పవచ్చు. ఇకపోతే మరో హీరోయిన్ గా బాలీవుడ్ భామను పరిశీలిస్తున్నారని అనుకుంటున్నారు.

ఇదొక పక్కా కమర్షియల్ ఎంటర్టైనర్ అని డిఫరెంట్ డైమెన్షన్స్ లో ఉంటుందని చిత్ర బృందం చెబుతూ వస్తోంది. త్రివిక్రమ్ తరహాలో ఫ్యామిలీ ఎలిమెంట్స్ మరియు కామెడీని కూడా ఎక్సపెక్ట్ చేయొచ్చు. ఈ చిత్రానికి ఎస్.ఎస్. థమన్ సంగీతం సమకూర్చనున్నారు. 'సర్కారు వారి పాట' తదుపరి షెడ్యూల్ కంప్లీట్ అయిన తర్వాత '#SSMB28' రెగ్యులర్ షూట్ మొదలయ్యే అవకాశాలు కనిపిస్తున్నాయి.

పరశురామ్ పెట్లా దర్శకత్వంలో మహేష్ నటిస్తున్న 'సర్కారు వారి పాట' సినిమా షూటింగ్ జూలై 15 నుంచి తిరిగి ప్రారంభం కానుందని సమాచారం. ఇందులో కీర్తి సురేష్ హీరోయిన్ గా నటిస్తోంది. జీఎంబీ ఎంటర్‌టైన్‌మెంట్ - 14 రీల్స్ ప్లస్ - మైత్రీ మూవీ మేకర్స్ సంస్థలు కలిసి ఈ చిత్రాన్ని నిర్మిస్తున్నాయి. మహేష్ 'సర్కారు వారి..' తో పాటుగా త్రివిక్రమ్ సినిమాని కూడా ప్యారలల్ గా షూట్ చేస్తారేమో చూడాలి.