మెగాస్టార్ సినిమాకి రోబో2 నిర్మాతలు

మెగాస్టార్ రీ ఎంట్రీ ఇవ్వబోతున్న సినిమాకి సంబంధించిన న్యూస్ ఇలా వచ్చిందో లేదో.. ఒకదాని వెంట ఒకటి చొప్పున డీటైల్స్ - అప్ డేట్స్ వచ్చేస్తున్నాయి. కోలీవుడ్ మూవీ 'కత్తి'ని వివి వినాయక్ డైరెక్షన్ లో రీమేక్ చేయబోతున్నట్లు ఇప్పటికే మెగా తనయుడు రామ్ చరణ్ అధికారికంగానే అనౌన్స్ చేశాడు.

ఇప్పుడు చిరు రీఎంట్రీ మూవీలో తాము నిర్మిస్తున్నామని ఓ ప్రొడక్షన్ కంపెనీ ప్రకటించింది. అదేంటీ చిరు సినిమాకి రామ్ చరణ్ కదా ప్రొడ్యూసర్ కదా అనుకుంటున్నారా.. అది నిజమే. ఇందుకోసం చెర్రీ ఇప్పటికే రెండు బ్యానర్స్ కూడా స్టార్ట్ చేసేశాడు. కొణిదెల ప్రొడక్షన్స్ - వైట్ హార్స్ ఎంటర్ టెయిన్ మెంట్స్ బ్యానర్స్ ను మొదలుపెట్టాడు రామ్ చరణ్. అవన్నీ కరెక్టే కానీ.. ఇప్పుడు లైకా ప్రొడక్షన్స్ కూడా సహనిర్మాణం చేస్తున్నామని తెలిపింది. లైకా సంస్థ చైర్మన్ అల్లిరాజ సుబస్కరన్ ఈ విషయాన్ని ఓ ప్రెస్ మీట్ పెట్టి మరీ అనౌన్స్ చేశాడు.

ప్రస్తుతం తమిళ ప్రెస్టీజియస్ మూవీ, దేశంలోనే అతి భారీ బడ్జెట్ మూవీ అయిన రోబో 2ను కూడా లైకా ప్రొడక్షన్స్ సంస్థే నిర్మిస్తోంది. 400 కోట్లతో రోబో2 నిర్మిస్తూ.. కోలీవుడ్ లో సెన్సేషన్ క్రియేట్ చేసిన ఈ సంస్థ.. టాలీవుడ్ లోనూ అత్యంత ప్రెస్టీజియస్ ప్రాజెక్ట్ లో భాగం కావడం విశేషమే. మొత్తానికి చిరు రీఎంట్రీ మూవీకి సంబంధించిన ఒక్కో అప్ డేట్ తో.. మెగా ఫ్యాన్స్ ఫుల్లు ఖుషీ అయిపోతున్నారు.