కొండ కోన‌ల్లో ల‌క్ష్మీ మంచు అండ్ గ్యాంగ్ సాహ‌సాలు

మంచు వారి డైన‌మైట్ ల‌క్ష్మీ ప్ర‌స‌న్న ప‌రిచ‌యం అవ‌స‌రం లేదు. యాంక‌ర్ గా .. న‌టిగా .. నిర్మాతగా బ‌హుముఖ ప్ర‌జ్ఞ‌ను క‌న‌బ‌రిచిన ల‌క్ష్మీ మంచు సోష‌ల్ మీడియాలో ఎంతో యాక్టివ్ గా అభిమానుల‌కు ట‌చ్ లో ఉంటారు. అక్క‌డ ఏదీ దాప‌రికం లేకుండా ఓపెన్ గా ప్ర‌తిదీ షేర్ చేస్తుంటారు.

మంచు లక్ష్మీ.. తన కూతురు నిర్వాణతో కలిసి చేసే సంద‌డి అంతా ఇంతా కాదు. ఇటీవ‌ల సొంత యూట్యూబ్ చానెల్ లోనూ ల‌క్ష్మీ సందడిపైనా ఆస‌క్తిక‌ర‌ చ‌ర్చ సాగింది. ఇంత‌కుముందు మంచు లక్ష్మీ కొత్త ఆఫీస్ ని లాంచ్ చేసిన‌పుడు కుమార్తె కుడి కాలు పెట్టి లాంచ్ చేసిన సంగ‌తి తెలిసిందే. ఈ ఆఫీస్ లో కొత్త కార్య‌క‌లాపాలపైనా దృష్టి సారించామ‌ని ల‌క్ష్మీ తెలిపారు. వెబ్ సిరీస్ లు.. టాక్ షోల‌తో భారీ షెడ్యూల్ ని డిజైన్ చేయడం విశేషం.

ఇక‌పోతే తీరిక స‌మ‌యాల్లో త‌న కుమార్తె స‌హా ఫ్యామిలీ అండ్ ఫ్రెండ్స్ తో క‌లిసి విహార‌యాత్ర‌ల‌కు వెళ్ల‌డం ల‌క్ష్మీ ప్ర‌త్యేక‌త‌. తాజాగా మ‌రో అడ్వెంచ‌ర్ ట్రిప్ ని ప్లాన్ చేయ‌గా అందుకు సంబంధించిన ఫోటోలు వీడియోలు వైర‌ల్ గా మారాయి. ఈ ఫోటోల్లో అడ‌వుల్లో కొండ కోన‌ల్లో ల‌క్ష్మీ అడ్వెంచ‌ర్ ఆస‌క్తిని రేకెత్తిస్తోంది. ఓ వీడియోలో త‌న కుమార్తె స‌హా కొంద‌రు కిడ్స్ ని మ‌ర్రిచెట్టు ఎక్కిస్తున్న తీరు ఫ‌న్నీగా క‌నిపిస్తోంది. ల‌క్ష్మీ మంచు అండ్ ఫ్రెండ్స్ గ్యాంగ్ ఈ ట్రిప్ ని బాగా ఎంజాయ్ చేశార‌నేందుకు ఈ ఫోటోలే ప‌ర్ఫెక్ట్ సాక్ష్యం. ఈ టూర్ లో ఓచోట పానీ పూరీ కూడా తిన్నారు ల‌క్ష్మీ. ``సాహ‌సాలు చేయాలంటే మంచి స్నేహితులు కావాలి.. మ‌ళ్లీ మ‌ళ్లీ సాహ‌సాలు చేయాలి.. `` అంటూ ఆస‌క్తిక‌ర వ్యాఖ్య‌ను జోడించారు ల‌క్ష్మీ.