ఫోటో స్టోరీ: ఇంటర్నేషనల్ రత్తాలు..!

సౌత్ లో హాట్ బ్యూటీలకు కొదవే లేదు. నార్త్ భామలకు సరైన పోటీనిస్తూ మన దక్షిణాది పరువు మర్యాదలను..హాట్ ఆచార వ్యవహారాలనూ కాపాడుతూ ఉన్నారు రాయి లక్ష్మి లాంటి కొందరు ఆధునిక సుందరీమణులు. ఇప్పటికే సౌత్ లో ఉండే అన్ని సినిమా ఇండస్ట్రీలను కవర్ చేసిన ఈ భామ హిందీలో కూడా నటించి చలనచిత్ర సామాజిక న్యాయం పాటించింది. ఇప్పుడు మన ప్రధాని గారి పిలుపు మేరకు భౌతిక దూరం పాటిస్తూ ఇంట్లోనే సరదాగా సమయం గడుపుతోంది.

పని ఫుల్లుగా ఉన్నప్పుడే.. షెడ్యూల్ లో ఒక్క గంట కూడా తీరిక లేని సమయంలోనే హాట్ ఫోటోలతో విరుచుకుపడే ఈ రాయి.. ఇప్పుడు మరింత హాట్ గా మారిపోయింది. ఖాళీ సమయం ఎక్కువ దొరికింది కాబట్టి.. కసరత్తులకు దిగులే లేదు. యోగా.. ఏరోబిక్స్.. ఎకనామిక్స్.. బీకాం ఫిజిక్స్ అన్నీ కలిపి కొట్టి మిక్స్ మ్యాచ్ కసరత్తులు చేస్తూ.. ఫిట్నెస్ కాపాడుకుంటోంది. మధ్య మధ్యలో కొన్ని కత్తిలాంటి ఫోటోలను నెటిజన్ల కోసం షేర్ చేస్తోంది. అయితే రాయి షేర్ చేసే ఫోటోలతో పాటు ఖాళీగా ఉన్న నెటిజన్లు కొందరు పాత ఫోటోలను పురాతత్వ శాస్త్రవేత్తల లాగా.. హాటు ఉద్యమ తత్వవేత్తల లాగా.. వెలికి తీస్తున్నారు వాటిని వైరల్ చేస్తున్నారు. కరోనా న్యూస్ తో క్షణం తీరిక లేని మెరుగైన సమాజానికి తమ వంతుగా ఆక్సిజన్ అందిస్తున్నారు.

ఈ పైన ఉన్న ఫోటో అలాంటిదే. పూలు ఆకులు ఉండే లైట్ కలర్ మోనోకిని ధరించి.. గ్లాస్ సైడ్ వాల్స్ ఉండే ఒక అందమైన బిల్డింగ్ పైన వయ్యారంగా నిలుచుంది. ఎర్రటి లిప్ స్టిక్.. వెడల్పాటి గాగుల్స్ ధరించి కర్లీ హెయిర్ తో అందాల మాంత్రికురాలి తరహాలో ఓ భంగిమ ఇచ్చింది. ఆ స్టైలు.. యాటిట్యూడ్ చూస్తే ఓ ఇంటర్నేషనల్ మోడల్ తరహాలో కనిపిస్తోంది. రత్తాలు రత్తాలు పాటతో తెలుగులో సూపర్ ఫేమస్ అయిన ఈ భామ నిజానికి లోకల్ రత్తాలు కాదు..ఇంటర్నేషనల్ రత్తాలు. అందుకే అభిమానులు ఇలాంటి ఫోటోలను తెగ షేర్ చేస్తున్నారు. లాక్ డౌన్ ఎప్పుడు విరమిస్తారో.. అప్పటి వరకు ఈ పాత హాట్ ఫోటోలు ఉద్యమం ఆగదు. ఇక సినిమాల విషయానికి వస్తే రాయి ప్రస్తుతం ' సిండ్రెల్లా' అనే ఈ సినిమాలోనూ.. 'ఝాన్సీ' అనే కన్నడ చిత్రంలోనూ నటిస్తోంది.