మంచు లేడీ మేము సైతం కి స్ఫూర్తి ఇదే

మంచు మోహన్ బాబు కూతురు, యాక్టర్, విలన్, టెలివిజన్ కార్యక్రమాల హోస్ట్, సోషల్ యాక్టివిస్ట్.. ఇలా అనేక రోల్స్ పోషించేస్తున్న మంచు లక్ష్మి.. ఇప్పుడు మేము సైతం అనే టీవీ షో ద్వారా ప్రేక్షకుల ముందుకు రానుంది. వినూత్న పద్ధతిలో ఈ టెలివిజన్ షో ఉండనుంది. సెలబ్రిటీలను సామాన్యులుగా మార్చేసి, నిధులు సమీకరించి, పేదలకు సాయం చేసే వినూత్నమైన కాన్సెప్ట్ మేము సైతం.

ఈ కార్యక్రమం కోసం ఇప్పటికే పంజాబీ బేబీ రకుల్ ప్రీత్ సింగ్ కూరగాయలు అమ్మింది, భల్లాలదేవుడు రాణా కూలీ అవతారం ఎత్తాడు, అక్కినేని వారసుడు అఖిల్ ఆటో నడిపాడు. అయితే.. ఈ మేము సైతం కార్యక్రమానికి స్ఫూర్తినిచ్చిన మరో కార్యక్రమం ఉంది. ఆ విషయాన్ని మంచు లక్ష్మి స్వయంగానే చెప్పింది. హిందీలో ప్రసారమైన 'మిషన్ సప్నే' కార్యక్రమం ఆధారంగా మేము సైతం ప్రోగ్రాంని డిజైన్ చేసినట్లు చెప్పింది మంచు వారసురాలు. మిషన్ సప్నేలో సల్మాన్ ఖాన్, పరిణీతి చోప్రా వంటి స్టార్లు పాల్గొనడంతో.. ఆ కార్యక్రమం భారీ సక్సెస్ ను సాధించింది కూడా.

ఇప్పటికే సెట్స్ లోనూ మేము సైతం కు సంబంధించిన షూటింగ్ ప్రారంభం కాగా.. మొత్తం 26 డాక్యుమెంటరరీలను ప్రసారం చేయనున్నారు. 6 నెలల పాటు నిరంతరాయంగా మేము సైతం టెలికాస్ట్ కానుంది. మీ అందరి ప్రేమ కావాలంటూ మంచు లక్ష్మి ట్విట్టర్ సాక్షిగా అభిమానులను కోరుకుంది.