లాల్ సింగ్ చడ్డా.. అదే పెద్ద మైనస్!

ఆమిర్ ఖాన్ నుంచి ఒక సినిమా వస్తోంది అంటే తప్పకుండా అందులో ఏదో ఒక కొత్తదనం ఉంటుంది అని ప్రేక్షకుల్లో ఒక నమ్మకం ఉంటుంది. కానీ లాల్ సింగ్ చడ్డా సినిమా మాత్రం అంచనాలను ఒక్కసారిగా తలకిందులు చేసింది. ఈ సినిమా చూసిన తర్వాత అసలు అమీర్ ఖాన్ చాలా సింపుల్ విషయాలలోనే ఎందుకు లాజిక్ మిస్ అయ్యాడు అనేది ఇప్పుడు అందరిలో కలుగుతున్న సందేహాలు. ఎంతో మంచి గుర్తింపును అందుకున్న ఫారెస్ట్ గంప్ సినిమాకు రీమేక్ గా వచ్చిన ఈ సినిమాలో చాలా మార్పులు జరిగాయి.

కానీ మెయిన్ పాయింట్స్ విషయంలో కూడా చిత్ర యూనిట్ సభ్యులు చేసిన మార్పులు ఏమాత్రం వర్కౌట్ కాలేదు. అనవసరంగా మార్చేసి మరి సినిమాను చెడగొట్టేశారు అనే విధంగా కూడా కొంతమంది కామెంట్ చేస్తున్నారు.

ముఖ్యంగా ఆమీర్ ఖాన్ నటించిన విధానం పైనే ఎక్కువగా విమర్శలు వస్తున్నాయి. ఒక విధంగా ఫారెస్ట్ గంప్ సినిమాలో టామ్ హాంక్స్ నటించిన దానికి అమీర్ ఖాన్ నటించిన దానికి చాలా తేడా ఉంది. ఒరిజినల్ లో హీరో ఐక్యూ తక్కువగా ఉన్న వ్యక్తిగా కనిపిస్తే అమీర్ ఖాన్ మాత్రం ఒక జోకర్ల కనిపించాడు అని కామెంట్స్ వచ్చాయి.

అనవసరమైన హడావిడి కూడా చేసినట్లు అనిపించింది అని కూడా అంటున్నారు. అలాంటి వ్యక్తిని ఆర్మీలో చేర్చుకోవడం ఏంటి అనే అభిప్రాయాలు కూడా వస్తున్నాయి. అయితే ఒరిజినల్ వెర్షన్ కథను బట్టి చూస్తే అప్పట్లో వియత్నం యుద్ధంలో పాల్గొనడానికి అమెరికాలో ఐక్యూ తక్కువగా ఉన్న వారిని కూడా ఆర్మీలోకి తీసుకున్నారు. ఆ పాయింట్ను ఫారెస్ట్ గంప్ సినిమాలో కరెక్ట్ గా వాడుకున్నారు. కానీ ఎంతో కఠినంగా ఉండే ఇండియాన్ ఆర్మీ ట్రైనింగ్ లో ఒక పిచ్చివాడిలా కనిపించే లాల్ పాత్ర ఏమాత్రం కనెక్ట్ అవ్వలేదు.

అంతేకాకుండా ఒరిజినల్ వెర్షన్లో ఒక ఆర్మీ ఆఫీసర్ ను హీరో కాపడతాడు. ఇక లాల్ సినిమాలో ఒక ఉగ్రవాద నాయకుడిని హీరో కాపాడతాడు. అంతేకాకుండా భారత సైన్యం మీద అటాక్ చేసిన ఆ పాత్రను ఉరి తీయకుండా ప్రభుత్వం క్షమిస్తుంది.

అతను ఆ తర్వాత పరివర్తన చెంది హీరోతో కలిసి బిజినెస్ స్టార్ట్ చేయడం ఇదంతా ప్రేక్షకులకు ఏమాత్రం రచించలేదు. కాకపోగా విమర్శకులకు కూడా దారితీస్తోంది. ఏదేమైనా కూడా లాల్ సింగ్ చడ్డా కమర్షియల్ గానే కాకుండా కంటెంట్ పరంగా కూడా అమీర్ ఖాన్ ను తీవ్రంగా దెబ్బకొట్టేలా ఉందనిపిస్తోంది.