మందు బాటిల్ చేతి సంచి ఏంటిది భీమ్లా?

చేతిలో మ‌ద్యం బాటిల్ లేనిదే భీమ్లా లేడా? ఉన్నా లేన‌ట్టేనా? పెగ్గేయ‌క‌పోతే తిక్క రేగుద్దా.. ఏమో! అన్నీ డౌట్లే అభిమానుల‌కు.. ఏదైతేనేం భీమ్లా నాయ‌క్ స్టైల్ అభిమానుల్లో హాట్ టాపిక్ గా మారింది. ఆరెంజు రంగు చొక్కాయ్.. గ‌ళ్ల లుంగీ పంచె చేతిలో బాటిల్ తో అత‌డి రెక్లెస్ యాటిట్యూడ్ క‌నిపిస్తోంది. డిగ్నిటీని మించి అత‌డిలో మాసిజం క‌నిపిస్తోంది. గ‌బ్బ‌ర్ సింగ్ ని మించిన తిక్క క్యారెక్ట‌ర్ ని ఎలివేట్ చేస్తున్నార‌ని అర్థ‌మ‌వుతోంది.

పవర్ స్టార్ అభిమానులు చాలా కాలం తర్వాత తమ అభిమాన హీరోని ఫుల్ మాస్ గెటప్ లో చూసేందుకు ఎంతో ఉత్సుకతతో ఉన్నారనేది ప్రత్యేకంగా చెప్పనవసరం లేదు. లాలా భీమ్లా టైటిల్ సాంగ్ కోసం అభిమానులు ఈ వారాంతం వరకు వేచి ఉండాల్సిందే. కాగా నిన్న రాత్రి విడుదలైన లాలా భీమా సాంగ్ ప్రోమో యూట్యూబ్ లో సంచ‌ల‌నంగా మారింది.

త్రివిక్ర‌మ్ ప‌ర్య‌వేక్ష‌ణ‌లో సాగర్ కె చంద్ర దర్శకత్వం వహిస్తున్న ఈ చిత్రంలో డేనియల్ శేఖర్ పాత్రలో రానా దగ్గుబాటి న‌టిస్తున్నారు. భీమ్లా వ‌ర్సెస్ డేనియ‌ల్ ఎపిసోడ్స్ ఆద్యంతం ర‌క్తి క‌ట్టించ‌నున్నాయి. పవన్‌కి జోడీగా నిత్యా మీనన్ .. రానా జోడీగా సంయుక్తా మీనన్ న‌టిస్తున్నారు. నాగ వంశీ సితార ఎంట‌ర్ టైన్ మెంట్స్ బ్యాన‌ర్ లో నిర్మిస్తున్నారు. ఈ చిత్రాన్ని సంక్రాంతి కానుకగా జనవరి 12న విడుద‌ల చేస్తున్నారు.