నిఖిల్ సినిమాలో మాజీ చీఫ్‌ మినిష్టర్‌?

రాజకీయ నాయకులు కొన్ని సినిమాల్లో ఇలా కనిపించి అలా వెళుతూ ఉంటారు. వాళ్ల ఒరిజినల్ కేరక్టర్లే సినిమాల్లోనూ చేస్తుంటారు. కానీ ముఖ్యమంత్రిగా అపార అనుభవం ఉన్న వ్యక్తి... సినిమాల్లో చేయడమంటే మామూలు విషయం కాదు. అందుకు ఒప్పించడం సంగతి పక్కన పెడితే... అసలు అడగడానికే చాలా దమ్ములు కావాలి.

ఇప్పడంత ధైర్యం చేస్తోంది ఎవరో కాదు. స్వామి రారా నుంచి డిఫరెంట్ జోనర్ మూవీలతో ఆడియన్స్ ను ఎట్రాక్ట్ చేస్తున్న నిఖిల్. కోన వెంకట్ ప్రొడ్యూసర్ గా వస్తున్న శంకరాభరణం కోసం మాజీ సీఎంను సంప్రదిస్తున్నారని తెలుస్తోంది. ముఖ్యమంత్రి అన్నంత మాత్రాన మనోళ్లు కాదులెండి. సినిమా బీహార్ బ్యాక్ డ్రాప్ లో ఉంటుంది కాబట్టి... అక్కడి మాజీ సీఎంనే అడుగుతున్నారట.

ఆ... అర్ధమైపోయిందా ఎవరో... బీహార్ అనగానే మనకు గుర్తొకొచ్చేది ఆలూ అండ్ లాలూ. ఆయన్నే ట్రై చేస్తున్నారట. అయితే శంకరాభరణంలో నటించేందుకు లాలూ ప్రసాద్ యాదవ్ ఒప్పకున్నట్లుగా మాత్రం ఇంకా న్యూస్ లేదు. ఒకవేళ ఒప్పించగలిగితే మాత్రం... సూపర్ హిట్ కొట్టిన తర్వాత వచ్చేంతటి పేరు, పబ్లిసిటీ.. షూటింగ్ టైంలోనే రావడం ఖాయం.