తిక్క పబ్లిసిటీలో కిక్కిస్తోంది గురూ

టాలీవుడ్ కి పరిచయమవుతున్న కొత్త ఫారిన్ భామ లారిస్సా బొనేసి. ఇప్పటికే చాలామంది విదేశీ సుందరాంగులు ఇక్కడ ట్యాలెంట్ చూపించి అవకాశాలు అందుకున్నారు. ఇప్పుడీ లారిస్సా మాత్రం ఇప్పటికే పలు ప్రయత్నాలు చేసిన తర్వాత.. కెరీర్ ని పట్టాలెక్కించడానికి తెలుగు సినిమా చేసింది.

సాయిధరం తేజ్ మూవీ తిక్కతో తెలుగు తెరంగేట్రం చేయనున్న లారిస్సా బొనేసి.. ఇక్కడి జనాలను ఆకట్టుకునేందుకు గట్టి ప్రయత్నాలే చేస్తోంది. తిక్క రిలీజ్ కి మరో 10 రోజులే గడువు ఉండడంతో.. వీలైనంతగా ప్రచారం చేసుకుంటోంది. పబ్లిసిటీ విషయంలో యూనిట్ ఇంకా యాక్టివ్ కాకపోయినా.. ఈమె మాత్రం అందాలు ఆరబోసేస్తూ ప్రచారం సాగించేస్తోంది. సినిమాలో ఎంత హాట్ గా కనిపించిందో కానీ.. తిక్క పబ్లిసిటీలో ఎక్కడ కనిపించినా ఇలా క్లీవేజ్ అందాలను ఆరబోసేస్తోంది.

ఈ లారిస్సాకి టాలీవుడ్ స్క్రీన్ కొత్తేమో కానీ.. కెమేరా ముందుకు రావడం మాత్రం కొత్త కాదు. ఇప్పటికే మహీంద్రా స్కూటర్స్.. క్లినిక్ ప్లస్.. జియోని మొబైల్ యాడ్స్ తో పాటు బాలీవుడ్ హీరో సైఫ్ ఆలీఖాన్ నటించిన గో గోవా గాన్ సినిమాలోనూ ఓ సైడ్ కేరక్టర్ చేసింది. అయినా ఇప్పటివరకూ చెప్పుకోదగ్గ సినిమా ఆఫర్స్ రాలేదు. అలాంటి సమయంలో చేతికొచ్చిన తిక్క.. తనను కొత్త హైట్స్ ఎక్కిస్తుందన్నది లారిస్సా బొనేసి ఆశ. మరి ఆ కోరిక తీరుతుందో లేదో తెలియాలంటే మాత్రం మరో పది రోజులు ఆగాల్సిందే.