నాన్న కాబోతున్న దిల్ రాజు

నిర్మాత అన్న పదానికి గ్లామర్ తీసుకొచ్చిన వ్యక్తిగా టాలీవుడ్ లో దిల్ రాజుకు పేరుంది. తెలుగు చిత్ర పరిశ్రమలో రాజుగా వెలుగొందిన నిర్మాత.. తర్వాత కాలంలో కేవలం పెట్టుబడి పెట్టే వ్యక్తిగా మాత్రమే పరిమితమయ్యేవారు. అలాంటి పరిస్థితుల్లో ఎంట్రీ ఇచ్చిన దిల్ రాజు.. నిర్మాత గా సక్సెస్ కావటమే కాదు.. ప్రొడ్యూసర్ కు స్టార్ స్టేటస్ తీసుకొచ్చి.. ఎంతోమంది నిర్మాతలుగా మారేందుకు ఆయన సాయం చేశారని చెప్పాలి. నిర్మాత అంటే కేవలం డబ్బులు పెట్టే ఏటీఎం మిషన్ మాత్రమే కాదని.. పక్కా ప్లానింగ్ తో వెళితే.. ప్రొడ్యూసర్ కు తిరుగు ఉండదనన సత్యాన్ని ఆయన చాటి చెప్పారు. మొదటి భార్య శిరీష అనారోగ్యంతో అకాల మరణం చెందటం తెలిసిందే.

అనంతరం కుటుంబ సభ్యులు.. తెలిసిన వారు మరో పెళ్లి చేసుకోవాలని కోరిన నేపథ్యంలో ఆయన మరోసారి పెళ్లి చేసుకున్నారు.

ప్రస్తుతం 51 ఏళ్లున్న దిల్ రాజు చూసినంతనే ఫార్టీ ప్లస్ గా కనిపించటం ఆయన ప్రత్యేకత. ఇదిలా ఉంటే. తాజాగా ఆయన సతీమణి వైగా రెడ్డి అలియాస్ తేజస్వి తల్లికాబోతున్నట్లుగా తెలిసిందే. ఈ వార్త సోషల్ మీడియాలో హాట్ టాపిక్ గా మారింది.

తన భార్య గర్భం దాల్చిన వార్తతో దిల్ రాజ్ ఇంట సందడి వాతావరణం నెలకొందని.. సంబరాలు చేసుకుంటున్నట్లు చెబుతున్నారు. అయితే.. దీనికి సంబంధించిన అధికారిక ప్రకటన మాత్రం వెలువడలేదు. దిల్ రాజుకు ఒక కుమార్తె మాత్రమే ఉన్నారు.

వారసుడు ఎవరూ లేరు. తాజా వార్తతో ఆ లోటు తీరుతుందన్న మాట కొందరి నోట వినిపించటం గమనార్హం. ఇప్పుడున్న పరిస్థితుల్లో వారసుడు.. వారసురాలు లాంటి మాటలు అవసరమా? అన్నది మరో ప్రశ్నగా మారింది. ఏమైనా.. దిల్ రాజు ఫ్యామిలీలో తాజా వార్త సంతోషాన్ని నింపుతుందని చెబుతున్నారు.