డీజే టిల్లు తరహా లో కేజీఎఫ్‌ 2 కోసం యశ్‌..!

ఇటీవల ప్రేక్షకుల ముందుకు వచ్చిన డీజే టిల్లు మంచి విజయాన్ని సొంతం చేసుకున్న విషయం తెల్సిందే. ఆ సినిమా కథ చాలా సింపుల్‌ గా ఉన్నా.. స్క్రీన్ ప్లే మరియు డైలాగ్స్ కు మంచి స్పందన దక్కింది. ముఖ్యంగా హీరో టిల్లు పాత్ర డైలాగ్స్ ను ప్రతి ఒక్కరు అభిమానించారు.. ఆదరించారు. ఆ డైలాగ్స్ వల్లే యూత్‌ ఆడియన్స్ లో ఆ సినిమా యొక్క క్రేజ్‌ అమాంతం పెరిగింది అనడంలో సందేహం లేదు.

డీజే టిల్లు లో అంతటి సక్సెస్ అయిన డైలాగ్స్ ను హీరో సిద్దు జొన్నలగడ్డ రాసిన విషయం తెల్సిందే. సిద్దు జొన్నలగడ్డ తన పాత్రకు రాసుకున్న డైలాగ్స్ హైలైట్ గా నిలిచారు. ఇప్పుడు కేజీఎఫ్ 2 డైలాగ్స్ కూడా సినిమాకు ప్రధాన ఆకర్షణ గా నిలుస్తాయంటూ దర్శకుడు ప్రశాంత్‌ నీల్‌ అంటున్నాడు. తాజాగా విడుదల అయిన ట్రైలర్ లో వయోలెన్స్ కు సంబంధించిన ఒక డైలాగ్‌ ను యశ్‌ చాలా విభిన్నంగా చెప్పి అందరి దృష్టిని ఆకర్షించాడు.

ఆ డైలాగ్‌ ను స్వయంగా యశ్‌ రాశాడు అంటూ దర్శకుడు ప్రశాంత్‌ నీల్‌ పేర్కొన్నాడు. తన పాత్ర కోసం యశ్ చాలా డైలాగ్స్ ను రాశాడు. అతడి డైలాగ్స్ మాస్ ఆడియన్స్ తో పాటు ప్రతి ఒక్కరిని మెప్పించే విధంగా ఉంటాయి అంటూ దర్శకుడు ప్రశాంత్‌ నీల్‌ చాలా నమ్మకంతో చెబుతున్నాడు. యశ్‌ లో ఈ కొత్త యాంగిల్‌ కూడా ఉందా అంటూ ఆయన అభిమానులు సోషల్‌ మీడియా ద్వారా చర్చించుకుంటున్నారు.

కేజీఎఫ్ 2 సినిమా ను మరో రెండు వారాల్లో ప్రేక్షకుల ముందుకు తీసుకు రాబోతున్నారు. కేజీఎఫ్‌ సినిమా ఘన విజయం సాధించిన నేపథ్యంలో ఈ సినిమా అంతకు మించి వసూళ్లను సాధిస్తుందనే నమ్మకంతో ప్రతి ఒక్కరు ఉన్నారు. ఖచ్చితంగా కేజీఎఫ్‌ 2 చిత్రం మొదటి కేజీఎఫ్ ను బీట్‌ చేసేంతటి వసూళ్లను దక్కించుకుంటుంది. ఇటీవల విడుదల అయిన ట్రైలర్‌ విజువల్స్ చూస్తుంటే ఒల్లు గగుర్లు పొడుస్తున్నాయి.

యశ్‌ మాత్రమే కాకుండా సినిమాలోని ప్రతి ఒక్క నటీ నటులు కూడా అద్భుతమైన ఎమోషన్స్ ను కనబరుస్తున్నారు. కేజీఎఫ్ లోని గోల్డ్‌ మైన్‌ సన్నివేశాలు అత్యంత భారీగా ఉండబోతున్నాయని తెలుస్తోంది. కేజీఎఫ్‌ 2 తో పోల్చితే కేజీఎఫ్‌ 1 కేవలం ట్రైలర్‌ మాత్రమే అంటూ ప్రశాంత్‌ నీల్‌ ఒక సమయంలో వ్యాఖ్యలు చేశాడు. ఆయన మాటలను బట్టి చూస్తే కేజీఎఫ్ 2 భారీగా వసూళ్లు నమోదు చేసే అవకాశాలు స్పష్టంగా కనిపిస్తున్నాయి.