365 రోజులు ప్రియుడితో కిమ్ స‌రిగ‌మ‌లు

బాలీవుడ్ బ్యూటీ కిమ్ శర్మ డేటింగ్ వ్య‌వ‌హారాల గురించి తెలిసిందే. టెన్నిస్ దిగ్గ‌జం లియాండ‌ర్ పేస్ తో ఏడాది కాలంగా డేటింగ్ చేస్తున్నారు. ఈ జంట తరచుగా విందు వినోదాలు.. విహార యాత్ర‌ల‌తో ఎంజాయ్ చేస్తూ లైవ్ ఫోటోల‌ను వీడియోల‌ను షేర్ చేస్తున్న సంగ‌తి తెలిసిందే. సోషల్ మీడియాలో ఒకరికొకరు ప్రేమలో త‌న్మ‌యాన్ని ఏనాడూ ర‌హ‌స్యంగా దోచుకోలేదు. నేడు కిమ్- లియాండర్ ఫేస్ వారి మొదటి వార్షికోత్సవం జరుపుకుంటున్నారు. ఈ ప్రత్యేక సందర్భంలో కిమ్ త‌న ఇన్ స్టా ఖాతా లో త‌న ప్రేమికుడి కోసం ఒక ప్రేమ వ‌చ‌నాన్ని అందించింది.

త‌మ రొమాంటిక్ డేట్ సరిగ‌మ‌ల్ని షేర్ చేసింది. త‌న అభిమానుల‌ను ఖేషీ చేసిన అరుదైన సంద‌ర్భ‌మిది. ఈ ఫోటోల్ని అనేక మంది ప్రముఖులు ఇష్టపడ్డారు. ఈ పోస్ట్ పై ఆస‌క్తిక‌రంగా వ్యాఖ్యానించారు. ఈ ప్రేమ జంట ఒక‌రికొక‌రు శుభాకాంక్ష‌లు తెలుపుకున్నారు. హ్యాపీ వార్షికోత్సవం చార్లెస్. 365 రోజులు! ఆనందం .. అంతులేని అద్భుత‌ క్షణాలు... ధన్యవాదాలు... అని తెలిపారు. తాజాగా షేర్ చేసిన ఫోటోల్లో వారి బైక్ లాంగ్ రైడ్ నుండి అరుదైన మూవ్ మెంట్స్ ఉన్నాయి. కలిసి భోజనం చేశారు. బీచ్ సెలవుల్ని గొప్ప‌గా ఆస్వాధించారు. ఇంకా ఎన్నో ఉన్నాయి. కొన్నాళ్ల క్రిత‌మే లియాండ‌ర్ పేస్ తన పుట్టినరోజు వేడుక సంద‌ర్భంగా కిమ్ పై ప్రేమ‌ను కురిపిస్తూ ఒక నోట్ రాసాడు. త‌న‌పై అప‌రిమిత ప్రేమను వ్యక్తం చేశాడు. హ్యాపీ బర్త్ డే మై డార్లింగ్.. కిమ్ శర్మ.. మీతో ఏడాదిగా ఇది ఒక‌ మాయాజాలం.. అంటూ ఆనందం వ్య‌క్తం చేశాడు.

నిత్య ప్రేమాయ‌ణాలు కిమ్ హాబీ

లియాండ‌ర్ పేస్ త‌న‌తో డేటింగ్ చేసిన అర‌డ‌జ‌ను మందిలో ఒక‌రు. నిత్య ప్రేమాయ‌ణాల‌తో ఇప్ప‌టికే బోలెడంత పాపులారిటీ సంపాదించుకుంది కిమ్ శ‌ర్మ‌. `ఖ‌డ్గం` ఫేం కిమ్ శర్మ అంతులేని ప్రేమ‌క‌థ‌ల గురించి అభిమానుల్లో బోలెడంత చ‌ర్చ సాగుతుంటుంది. ఆరంభం మాజీ క్రికెట‌ర్ యువ‌రాజ్ సింగ్ గాళ్ ప్రెండ్ గా దేశం మొత్తం పాపుల‌ర్ అయింది. ఆ పాపులారిటీ కూడా కిమ్ శ‌ర్మ‌కు బాలీవుడ్ లో మంచి అవ‌కాశాలు కూడా తెచ్చిపెట్టాయి. ఇప్ప‌టివ‌ర‌కూ కిమ్ శ‌ర్మ గురించి తెలుగు ఆడియ‌న్స్ కు బాగా తెలిసిన విష‌యాలివే. అయితే కిమ్ శ‌ర్మ ఆన్ స్క్రీన్ లోనే కాదు..ఆఫ్ ద స్క్రీన్ లోనూ ఎంతో రొమాంటిక్ అని ఆమె ఎఫైర్ల గురించి ఒక్కొక్క‌టిగా లీక‌వుతుంటే ఆశ్చ‌ర్య‌పోకుండా ఉండ‌లేరు.

కిమ్ శ‌ర్మ జీవితంలో యువ‌రాజ్ ఒక్క‌డే కాదు..చాలా మంది బోయ్ ఫ్రెండ్స్ ఉన్నారు. కిమ్ శ‌ర్మ లైఫ్ లో మొత్తం ఏడుగురు కీల‌క వ్య‌క్తులు ఉన్నారు. బాలీవుడ్ లో బిజీ హీరోయిన్ గా ఉన్న స‌మ‌యంలోనే యువ‌రాజ్ తో పీక‌ల్లోతూ ప్రేమ‌లో తేలింది. ఇరువురు పెళ్లి చేసుకుంటున్న‌ట్లు జోరుగా ప్ర‌చారం సాగింది. కానీ ఆ వ్య‌వ‌హారం పీఠ‌ల వ‌ర‌కూ వెళ్ల‌లేదు. అటుపై స్పానిష్ సింగ‌ర్ కార్లోస్ మారిస్ తో కొన్నాళ్ల పాటు డేటింగ్ లో ఉంది. ఇరువురు పెళ్లి ప్ర‌య‌త్నాలు చేసినా అవి స‌ఫ‌లం కాలేదుట‌. అత‌నితో బ్రేక‌ప్ త‌ర్వాత కెన్యా బిజినెస్ మ్యాన్ అలీ పుంజానీతో స‌హ‌జీవ‌నం చేసింది.

ఇద్ద‌రు పెళ్లి కూడా చేసుకున్నారు. కొన్నాళ్ల పాటు కాపురం కెన్యాలోనే . అయితే ఆ బంధం కూడా ఎంతో కాలం నిల‌వ‌లేదు. 2017 లో విడిపోయారు. అనంతరం ఇండియాకు తిరిగొచ్చి బాలీవుడ్ న‌టుడు హ‌ర్ష‌వ‌ర్ధ‌న్ రాణేతో డేటింగ్ చేసిందిట‌. కొన్ని నెల‌ల డేటింగ్ అనంత‌రం యాధావిధిగా బ్రేక‌ప్ జ‌రిగింది. అలాగే బాలీవుడ్ డిజైన‌ర్ అర్జున్ ఖ‌న్నాతో కూడా కొన్నాళ్ల పాటు ఎఫైర్ న‌డిపింది. కొన్నాళ్లు క‌లిసి ఉన్నారు. కానీ ఆ బంధం కూడా వీగిపోయింది. ఆ త‌ర్వాత బాలీవుడ్ యువ న‌టుడు అమిత్ స‌ద్ తో ప్రేమాయ‌ణం న‌డిపింది. అది కొంత కాల‌మే. తెలుగు త‌కిట త‌కిట హీరో హ‌ర్ష‌వ‌ర్ధ‌న్ తో ప్రేమ‌లో ప‌డినా అది కూడా బ్రేక‌ప్ అయ్యింది. ఖ‌డ్గంలో శ్రీ‌కాంత్ స‌ర‌స‌న ఈ బ్యూటీ న‌టించిన సంగ‌తి తెలిసిందే.

ప్ర‌స్తుతం కిమ్ ఆరుగురి బోయ్ ప్రెండ్స్ ని విడిచిపెట్టి లియాండ‌ర్ పేస్ తో డీప్ ల‌వ్ లో ఉంది. ఇరువురు బీచ్ అందాల న‌డుమ విహ‌రిస్తోన్న ఫోటోలు..స‌న్నిహితంగా మెలిగిన ఫోటోలు నిరంత‌రం లీక్ అవుతూనే ఉన్నాయి. ఇక కిమ్ శ‌ర్మ త‌న డేటింగ్ వ్య‌వ‌హారాల్ని ఏనాడూ దాచింది లేదు. లైఫ్ ప్ర‌తి మ‌లుపులో ర‌సాస్వాధ‌న‌ను ఇష్ట‌ప‌డే న‌టిగా నిరూపించారు.

కెరీర్ మ్యాట‌ర్ కి వ‌స్తే.. కిమ్ మొహబ్బ‌తీన్ లో జిమ్మీ షీర్ గిల్ తో కలిసి నటించడం ద్వారా పాపుల‌రైంది. ఆమె పద్మశ్రీ లాలూ ప్రసాద్ యాదవ్- కుడియోన్ కా హై జమానా- మనీ హై తో హనీ హై- తాజ్ మహల్: యాన్ ఎటర్నల్ లవ్ స్టోరీ - త‌దిత‌ర‌ చిత్రాలలో న‌టించింది