ఆర్ఆర్ఆర్ సినిమాపై నారా లోకేష్ స్పెషల్ ట్వీట్

రాజమౌళి దర్శకత్వంలో రాంచరణ్, ఎన్టీఆర్ లతో భారీ మల్టీస్టారర్ గా తెరకెక్కిన ‘ఆర్ఆర్ఆర్’ సినిమా ఇవాళ ప్రపంచవ్యాప్తంగా విడుదలైంది. ప్రస్తుతం దేశవ్యాప్తంగా ‘ఆర్ఆర్ఆర్’ మేనియా నడుస్తోంది. ఫ్యాన్స్, ప్రేక్షకుల నుంచి సెలబ్రెటీల వరకూ అంతా ఈ సినిమా గురించే మాట్లాడుకుంటున్నారు. ఇప్పటికే పలు చోట్ల బెనిఫిట్ షోలు కూడా పడ్డాయి. సెలబ్రెటీలు సినిమాపై ట్వీట్ల వర్షం కురిపిస్తున్నారు. తాజాగా నారా లోకేష్ కూడా ‘ఆర్ఆర్ఆర్’ సినిమాపై స్పెషల్ ట్వీట్ చేశారు.

‘ఆర్ఆర్ఆర్ పోస్టర్ ను షేర్ చేసిన నారా లోకేష్ ట్వీట్టర్ లో రాసుకొచ్చారు. ‘ఆర్ఆర్ఆర్ సినిమా ఇండస్ట్రీ రికార్డులు బద్దలు కొట్టాలని కోరుకుంటున్నట్టు తెలిపారు. సినిమాకు మంచి స్పందన వస్తుండడం ఎంతో సంతోషాన్నిస్తోందన్నారు. గొప్ప సినిమా అనుభూతిని అందించిన ఎన్టీఆర్, రాంచరణ్ లకు నా అభినందనలు.. ఆర్ఆర్ఆర్ సృష్టికర్త రాజమౌళి, మిగిలిన తారాగణానికి నా అభినందనలు అని తెలిపారు. ఈ వారం కుటుంబ సమేతంగా సినిమాను తప్పకుండా చూస్తానని తెలిపారు. చిత్రబృందానికి ఆల్ ది బెస్ట్’ ట్వీట్ చేశారు.

ఇక హీరో వరుణ్ తేజ్ సైతం ఈ సినిమా చూసి ‘ఆర్ఆర్ఆర్’ ఓ మాస్టర్ పీస్ అంటూ కొనియాడింది. ఇక హీరో సాయిధరమ్ తేజ్ ‘ఆర్ఆర్ఆర్ ఓ బ్లాక్ బస్టర్’ అంటూ కితాబిచ్చారు. దర్శకుడు హరీష్ శంకర్ సైతం స్పందించారు. ‘మైండ్ బ్లోయింగ్ చిత్రం ‘ఆర్ఆర్ఆర్’. ఎంతో అద్భుతంగా ఉంది. భారతీయ సినిమా గర్వించే దర్శకుడు రాజమౌళికి, రాంచరణ్, ఎన్టీఆర్ లకు శుభాకాంక్షలు అని ప్రశించాడు.

ఇక ఆర్ఆర్ఆర్ ఎంతో బాగుందని.. టీమ్ కు నా శుభాకాంక్షలు అని నటుడు శ్రీకాంత్ తెలిపారు. ఆర్ఆర్ఆర్.. ఓ దర్శకుడిగా నన్ను గర్వించేలా చేసిన చిత్రం ఇదీ అని దర్శకుడు వీఐ ఆనంద్ తెలిపారు. సినీ రంగంలో అడుగుపెట్టాలనుకునే వారికి స్ఫూర్తిగా నిలిచినందుకు రాజమౌళి, ఎన్టీఆర్, రాంచరణ్ లకు ధన్యవాదాలు తెలిపారు.