సుంద‌రం బ‌ర్త్ డే స‌ర్ ప్రైజ్ ప్లాన్ చేశాడుగా

గ‌త ఏడాది బ్యాక్ టు బ్యాక్ రెండు చిత్రాల‌తో నేచుర‌ల్ స్టార్ నాని ప్రేక్ష‌కుల్ని స‌ర్ ప్రైజ్ చేశారు. ఆయ‌న న‌టించిన `ట‌క్ జ‌గ‌దీష్‌` ప్ర‌ముఖ ఓటీటీ దిగ్గ‌జం అమెజాన్ ప్రైమ్ లో విడుద‌ల కాగా.. ఆ త‌రువాత అంటే డిసెంబ‌ర్ 24న వ‌ర‌ల్డ్ వైడ్ గా విడుద‌లైన `శ్యామ్ సింగ‌రాయ్‌` థియేట‌ర్ల‌లో విడుద‌లై నానికి మంచి విజ‌యాన్ని అందించింది. ఈ మూవీ త‌రువాత నాని న‌టిస్తున్న రొమాంటిక్ కామెడీ ఎంట‌ర్ టైన‌ర్ `అంటే సుంద‌రానికి`. విశేక్ ఆత్రేయ ఈ చిత్రాన్ని తెర‌కెక్కిస్తున్నాడు.

మ‌ల‌యాళ న‌టుడు ఫాహ‌ద్ ఫాజిల్ వైఫ్, హీరోయిన్ న‌జ్రియా న‌జీమ్ ఈ చిత్రంతో హీరోయిన్ గా తెలుగు ప్రేక్ష‌కుల‌కు ప‌రిచ‌యం అవుతోంది. ఇప్ప‌టికే షూటింగ్ పూర్తి చేసి పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. త్వ‌ర‌లో రిలీజ్ కు రెడీ అవుతున్న ఈమూవీని మైత్రీ మూవీమేక‌ర్స్ అత్యంత ప్ర‌తిష్టాత్మ‌కంగా నిర్మిస్తోంది. నేచుర‌ల్ స్టార్ నాని రొటీన్ కు భిన్న‌మైన పాత్ర‌లో న‌టిస్తున్నాడు. ఇది అత‌ని 28వ చిత్రం.

రోమ్ - కోమ్ ఎంట‌ర్ టైన‌ర్ గా రూపొందుతున్న ఈ మూవీ పైన ఫుల్ స్లీవ్ ష‌ర్ట్ ధ‌రించి పంచెక‌ట్టులో డిఫ‌రెంట్ మేకోవ‌ర్ తో నాని క‌నిపిస్తున్న ఈ మూవీపై భారీ అంచ‌నాలే వున్నాయి. ఈ మూవీ కోసం టిపిక‌ల్ మేకోవ‌ర్ తో నాని క‌నిపించ‌బోతున్న విష‌యం తెలిసిందే. అంతే కాకుండా ఇందులో నాని క్యారెక్ట‌ర్ పేరు క‌స్తూరి పూర్ణ వెంకట శేష సాయి ప‌వ‌న రామ సుంద‌ర ప్ర‌సాద్. పేరుకు త‌గ్గ‌ట్టే గ‌మ్మ‌త్తైన క‌థ, క‌థ‌నాల‌తో ఈ సినిమా సాగ‌నుంది.

స్టార్ హీరోల నుంచి క్రేజీ చిత్రాల వ‌ర‌కు మేక‌ర్స్ రెండు రిలీజ్ డేట్ లు ప్ర‌క‌టిస్తున్న నేప‌థ్యంలో `అంటే సుంద‌రానికి` మేక‌ర్స్ కూడా ఏకంగా ఏడు రిలీజ్ డేట్ ల‌ని ప్ర‌క‌టించారు. అంతా రెండు రిలీజ్ డేట్ ల‌ని బ్లాక్ చేస్తే మేము ఏడు రిలీజ్ డేట్ ల‌ని బ్లాక్ చేస్తే త‌ప్పేంటి అంటూ వ్య‌గ్యంగా రిలీజ్ డేట్ ల‌ని ప్ర‌క‌టించాడు సుంద‌రం. తాజాగా ఈ మూవీ నుంచి సుంద‌రం స‌ర్ ప్రైజ్ ని ప్లాన్ చేసిన‌ట్టుగా తెలుస్తోంది. ఇదే విష‌యాన్ని మేక‌ర్స్ మంగ‌ళ‌వారం సోష‌ల్ మీడియా వేదిక‌గా ప్ర‌క‌టించారు.

హీరో నేచుర‌ల్ స్టార్ నాని పుట్టిన రోజు వేడుక‌ల్ని ఈ నెల 24న జ‌రుపుకోబోతున్నారు. ఈ నేప‌థ్యంలో `అంటే సుంద‌రానికి` టీమ్ నుంచి సుంద‌రం యంగ్ లుక్ ని రిలీజ్ చేయ‌బోతున్నారు.

24న నాని పుట్టిన రోజు అయితే 23 సాయంత్రం 4 :05 నిమిషాల‌కు `యువ సుంద‌రుడి బ‌ర్త్ డే హోమం` పేరుతో నాని యంగ్ లుక్ కి సంబంధించిన పోస్ట‌ర్ ని రిలీజ్ చేయ‌బోతున్నామ‌ని మేక‌ర్స్ ప్ర‌క‌టించారు. సుంద‌రం బ‌ర్త్ డే బ్లాస్ట్ అంటూ మేక‌ర్స్ రిలీజ్ చేయ‌బోతున్న యంగ్ సుంద‌రం లుక్ ఎలా వుంటుంద‌న్నది తెలియాలంటే మ‌రి కొన్ని గంట‌లు వేచి చూడాల్సిందే. ఈ మూవీ తరువాత నాని `ద‌స‌రా` చిత్రం చేస్తున్న విష‌యం తెలిసిందే. శ్రీ‌కాంత్ ఓదెల డైరెక్ట‌ర్ గా ప‌రిచ‌యం అవుతున్న ఈ మూవీ మార్చి నుంచి సెట్స్ పైకి రానుంది.