మరో హాట్ టాపిక్ కి తెరతీసిన సమంత!

సమంత .. నాగచైతన్య నిజమైన ప్రేమకు నిదర్శనంగా కనిపించారు. అన్యోన్యమైన దాంపత్యానికి నిర్వచనంలా నిలిచారు. సమంత ఎంత అదృష్టవంతురాలో కదా! అని అమ్మాయిలంతా అనుకుంటే, చైతూ ఎంత లక్కీనో అని అబ్బాయిలు అనుకున్నారు. అంతగా ఈ జంట ఎంజాయ్ చేశారు. ఈ ఆనందం .. ఈ సంతోషం ఎప్పటికీ ఇలాగే ఉండిపోవాలని అభిమానులంతా అనుకున్నారు. అయితే వాళ్ల అంచనాలను తలక్రిందులు చేస్తూ ఇద్దరూ విడాకులు తీసుకున్నారు. ఈ విషయాన్ని చాలా రోజులు పాటు అభిమానులు జీర్ణించుకోలేకపోయారు.

విడాకుల వెంటనే చైతూకు 'లవ్ స్టోరీ'తో హిట్ పడటం .. ఆ తరువాత అఖిల్ కి 'మోస్ట్ ఎలిజిబుల్ బ్యాచ్ లర్' తో హిట్ పడటం .. ఆ తరువాత నాగ్ - చైతూ కలిసి 'బంగార్రాజు'తో విజయాన్ని అందుకోవడం జరిగింది. ఈ సంతోషంలో .. సందడిలో చైతూ మనసు కాస్త ఉపశమనాన్ని పొందింది. కానీ ఆ సమయంలో సమంత చేతిలో సినిమాలు లేకపోవడం వలన ఆమె కాస్త ఇబ్బంది పడింది. మనసు డైవర్ట్ చేసుకోవడం కోసమే ఆమె 'పుష్ప' సినిమాలో స్పెషల్ సాంగ్ చేసింది. ఆ తరువాత నుంచి ఆమె కొత్త ప్రాజెక్టులపై దృష్టి పెట్టడం మొదలుపెట్టింది.

ఇద్దరు విడిపోయినప్పుడు .. నువ్వు లేకపోతే నేను బ్రతకలేనా? అని ఒకరు మరొకరి ఫొటోలు డిలీట్ చేయడం, ఏం నేను మాత్రం ఉండలేనా? అంటూ మరొకరు తమ వైపు నుంచి అన్ ఫాలో చేయడం సహజంగా జరుగుతూనే ఉంటుంది. ఎవరికి వారు పాత జ్ఞాపకాలను చెరిపేసుకోవడానికి పోటీపడుతుంటారు. అలాగే సమంత .. చైతూ కూడా ట్విట్టర్లో ఒకరిని ఒకరు ఫాలో కావడం మానేశారు. ఇక ఇప్పడు ఇన్ స్టాలో చైతూను సమంత అన్ ఫాలో చేసింది. నాగార్జున .. అమల .. అఖిల్ .. రానా .. వెంకీ కూతురును ఫాలో అవుతున్న సమంత, ఒక్క చైతూనే మాత్రమే అన్ ఫాలో చేయడం మళ్లీ హాట్ టాపిక్ అయింది.

అయితే చైతూ మాత్రం ఇన్ స్టాలో సమంతను ఫాలో అవుతూనే ఉన్నాడు. చైతూ చాలా సెన్సిటివ్ కనుక ఇలాంటి పనులు చేయడానికి ఆయనకి కాస్త సమయం పట్టొచ్చునేమో. కెరియర్ పరంగా చూసుకుంటే. ఈ ఏడాది సమంత నుంచి 'శాకుంతలం' .. 'యశోదా' రానున్నాయి. ఇక ఆమె బాలీవుడ్ .. హాలీవుడ్ సినిమాలను కూడా లైన్లో పెట్టేస్తూ వెళుతోంది. చైతూ తాజా చిత్రంగా ప్రేక్షకుల ముందుకు రావడానికి 'థ్యాంక్యూ' రెడీ అవుతోంది. విక్రమ్ కుమార్ దర్శకత్వం వహించిన ఈ సినిమాలో రాశి ఖన్నా కథానాయికగా నటించింది. ఈ సినిమా కాకుండా చైతూ చేతిలో మరో రెండు ప్రాజెక్టులు ఉన్నాయి.