ఇండియన్ 2 ఫ్యాన్స్ కు గుడ్ న్యూస్..!

కొన్ని కాంబినేషన్ సినిమాలు సెట్స్ మీద ఉండగానే భారీ క్రేజ్ ఏర్పరచుకుంటాయి. కోలీవుడ్ లో అలాంటి కాంబోలో ఒకటి శంకర్, కమల్ హాసన్ మూవీ. పాతికేళ్ల క్రితం వచ్చిన ఇండియన్ మూవీ సూపర్ హిట్ కాగా ఇప్పుడు ఆ మూవీ సీక్వల్ గా ఇండియన్ 2 తెరకెక్కిస్తున్నారు.

సినిమా ఎప్పుడో మొదలు పెట్టగా మధ్యలో దాదాపు సినిమా ఆగిపోయింది అన్నారు. ఇండియన్ 2 ని మధ్యలో వదిలిపెట్టి రాం చరణ్ తో సినిమా చేస్తున్నాడు శంకర్. కమల్ కూడా ఆ మూవీని లైట్ తీసుకుని విక్రం పూర్తి చేశాడు.

విక్రం భారీ హిట్ తో కమల్ మళ్లీ ఇండియన్ 2 మీద ఫోకస్ చేశాడు. సినిమాను అనుకున్న విధంగా పూర్తి చేయాలని ఫిక్స్ అయ్యారు. ఓ పక్క శంకర్ చరణ్ సినిమా చేస్తూనే మరోపక్క ఇండియన్ 2 కూడా చేస్తున్నాడు.

ఇప్పటికే 70 శాతం పూర్తి చేసుకున్న ఈ మూవీ నెక్స్ట్ షెడ్యూల్ డిసెంబర్ 5 నుంచి మొదలవుతుందని తెలుస్తుంది. చెన్నైలోనే ఈ షెడ్యూల్ షూట్ చేస్తారట. ఈ మూవీ షూటింగ్ ని మార్చి కల్లా పూర్తి చేయాలని కమల్ చెబుతున్నారట. ఇండియన్ 2 తర్వాత కమల్ హాసన్ వినోద్ డైరక్షన్ లో సినిమా ఫిక్స్ చేసుకున్నారు.

ఇండియన్ 2 తో మరోసారి తన మ్యాజిక్ రిపీట్ చేయాలని చూస్తున్నారు కమల్ హాసన్. సినిమాలో కాజల్ అగర్వాల్, రకుల్ ప్రీత్ సింగ్ హీరోయిన్స్ గా నటిస్తున్నారు. 2023 సెకండ్ హాఫ్ లో ఇండియన్ 2 రిలీజ్ ఉంటుందని టాక్. లైకా ప్రొడక్షన్స్ నిర్మిస్తున్న ఈ మూవీకి భారీ బడ్జెట్ పెట్టేస్తున్నారు. విక్రం సినిమాతో సూపర్ ఫాం లోకి వచ్చిన కమల్ ఇండియన్ 2తో కూడా సరికొత్త సంచలనాలు సృష్టించాలని ఫిక్స్ అయ్యాడు.

చరణ్ సినిమా చేస్తూనే ఇండియన్ 2 మూవీ మీద కూడా దృష్టి పెట్టాడు శంకర్. చరణ్ సినిమా ప్రస్తుతం న్యూజిలాండ్ లో షూటింగ్ జరుపుకుంటుంది. అది పూర్తి చేసుకుని డిసెంబర్ 5 నుంచి ఇండియన్ 2 మూవీ షూటింగ్ చేయనున్నారు.