మెగాస్టార్... రామ్ చ‌ర‌ణ్.. ఒక‌టొస్తోంది

మెగాస్టార్ అభిమానుల‌కు 'ఆచార్య‌' టీమ్ నుంచి స‌ర్ ప్రైజ్ రాబోతోందా?.. ఫ్యాన్స్ ఊహించ‌ని స్పెష‌ల్ ట్రీట్ ని అందించ‌బోతోందా? అంటే అవున‌నే స‌మాధానం వినిపిస్తోంది. వివ‌రాల్లోకి వెళితే.. మెగాస్టార్ చిరంజీవి న‌టించిన తాజా చిత్రం 'ఆచార్య‌'. స్టార్ డైరెక్ట‌ర్ కొర‌టాల శివ అత్యంత భారీ స్థాయిలో ఈ మూవీని తెర‌కెక్కించారు. గ‌త కొంత కాలంగా క‌రోనా కార‌ణంగా చిత్రీక‌ర‌ణ ఆల‌స్య‌మ‌వుతూ రిలీజ్ డేట్ పోస్ట్ పోన్ అవుతూ వ‌చ్చింది. అయితే ఇప్ప‌టికే భారీ అంచ‌నాలు నెల‌కొన్న ఈ మూవీ ఎట్ట‌కేల‌కు ఏప్రిల్ 29న ప్ర‌పంచ వ్యాప్తంగా భారీ స్థాయిలో విడుద‌ల కాబోతోంది.

ఇందులో మెగా ప‌వ‌ర్ స్టార్ రామ్ చ‌ర‌ణ్ కీల‌క పాత్ర‌లో న‌టించారు. ఆయ‌న క్యారెక్ట‌ర్ ఈ చిత్రానికి ప్ర‌ధాన హైలైట్ గా నిల‌వ‌బోతోంది. కాజ‌ల్ అగ‌ర్వాల్, పూజా హెగ్డే హీరోయిన్ లుగా న‌టించిన ఈ చిత్రం దేవాదాయ భూముల కుంభ‌కోణం నేప‌థ్యంలో రూపొందింది. మెగాస్టార్ ఎండోమెంట్ అధికారిగానూ, ఓ సంద‌ర్భంగాలో న‌క్స‌లైట్ గానూ భిన్న పార్శ్యాలున్న పాత్ర‌లో క‌నిపించ‌బోతున్నారు. చిత్రీక‌ర‌ణ పూర్తి చేసుకున్న ఈ మూవీ ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది.

'సైరా న‌ర‌సింహారెడ్డి' చిత్రం త‌రువాత మెగాస్టార్ చిరంజీవి చేస్తున్న మూవీ కావ‌డం, ఆయ‌న సినిమా థియేట‌ర్ల‌లో సంద‌డి చేసి దాదాపు మూడేళ్లు కావ‌డంతో ఈ చిత్రంపై భారీ అంచ‌నాలు నెల‌కొన్నాయి. మ‌ణిశ‌ర్మ సంగీతం అందించిన ఈ చిత్ర గీతాల్లోని మూడు లిరిక‌ల్ వీడియోల‌ని ఇప్పటికే చిత్ర బృందం విడుద‌ల చేసింది.

సంగీత‌, మెగాస్టార్ ల‌పై చిత్రీక‌రించిన 'లాహే లాహే లాహే.. రామ్ చ‌ర‌ణ్ , పూజా హెగ్డేల‌పై చిత్రీక‌రించిన 'నీలాంబ‌రి..', చిరు, రెజీనాల‌పై షూట్ చేసిన 'శానా క‌ష్టం వ‌చ్చిందే మందాకినీ' అంటూ సాగే లిరిక‌ల్ వీడియోల‌ని విడుద‌ల చేశారు.

తాజాగా ఈ మూవీ రిలీజ్ ద‌గ్గ‌ర‌ప‌డుతున్న నేప‌థ్యంలో ఓ స‌ర్ ప్రైజ్ సాంగ్ కు సంబంధించిన లిరిక‌ల్ వీడియోని విడుద‌ల చేయ‌బోతున్నార‌ట‌. ఈ పాట‌ని మెగాస్టార్ చిరంజీవి, మెగా ప‌వ‌ర్ స్టార్ రామ్ చ‌ర‌ణ్ ల‌పై ప్ర‌త్యేకంగా చిత్రీక‌రించార‌ట‌. ఈ పాట థియేట‌ర్ల‌లో ఫ్యాన్స్ కి పూన‌కాలు తెప్పించ‌డం ఖాయం అని చెబుతున్నారు. ఈ పాట‌కు సంబంధించిన గ్లింప్స్ ని త్వ‌ర‌లోనే మేక‌ర్స్ రిలీజ్ చేయ‌బోతున్నార‌ని తెలిసింది. ఈ పాట తెర‌పై ఐ ఫీస్ట్ గా వుండ‌బోతోంద‌ని, ఫ్యాన్స్ ఈ పాట‌కు ఊగిపోవ‌డం ఖాయ‌మ‌ని చెబుతున్నారు.

'ఆచార్య‌' రిలీజ్ టైమ్ ద‌గ్గ‌ర‌ప‌డుతున్నా ఇంత వ‌ర‌కు ఈ మూవీ నుంచి సాలీడ్ అప్ డేట్ రాక‌పోవ‌డంతో ఫ్యాన్స్ చాలా ఆస‌క్తిగా అప్ డేట్ కోసం ఎదురుచూస్తున్నారు. వారి అంచ‌నాల‌కు భిన్నంగా అభిమానుల‌ని స‌ర్ ప్రైజ్ చేస్తూ 'ఆచార్య‌' టీమ్ మెగాస్టార్ చిరు, చ‌ర‌ణ్ ల స్పెష‌ల్ సాంగ్ గ్లింప్స్ ని విడుద‌ల చేయ‌బోతుండ‌టం ప్రాధాన్య‌త‌ను సంత‌రించుకుంది. భారీ యాక్ష‌న్ ఎంట‌ర్ టైన‌ర్ గా రూపొందుతున్న ఈ చిత్రంలో చ‌ర‌ణ్ సిద్ధాగా 25 నిమిషాల నిడివిగ‌ల కీల‌క పాత్ర‌లో న‌టించిన విష‌యం తెలిసిందే.