బ్యాక్ గ్రౌండ్ లేదు క‌ష్ట‌మ‌న్నారు: నవీన్‌ పొలిశెట్టి

టాలీవుడ్ యంగ్ అండ్ టాలెంటెడ్ హీరో నవీన్‌ పొలిశెట్టి గురించి ప్ర‌త్యేకంగా ప‌రిచ‌యాలు అవ‌సరం లేదు. 2012లోనే సినీ గ‌డ‌ప తొక్కిన న‌వీన్ పొలిశెట్టి.. 2019లో విడుద‌లైన‌ 'ఏజెంట్‌ సాయి శ్రీనివాస ఆత్రేయ‌' మూవీలో మంచి గుర్తింపు సంపాదించుకున్నాడు. ఆ త‌ర్వాత ఈయ‌న చేసిన 'జాతిరత్నాలు' సినిమా ఎంత పెద్ద విజ‌యం సాధించిందో ప్ర‌త్యేకంగా చెప్ప‌క్క‌ర్లేదు.

అనుదీప్ కెవి ద‌ర్శ‌క‌త్వం వ‌హించిన ఈ మూవీలో న‌వీన్‌తో పాటు ప్రియదర్శి, రాహుల్ రామకృష్ణ కీల‌క పాత్ర‌ల‌ను పోషించారు. ఫరియా అబ్దుల్లా హీరోయిన్‌గా న‌టించింది. స్వప్న సినిమా బ్యానర్‌లో నాగ్ అశ్విన్ నిర్మించిన ఈ సినిమాకు రధన్ సంగీతం అందించారు. 2021 మార్చి 11న రిలీజైన ఈ చిన్న చిత్రం సూప‌ర్ డూప‌ర్ హిట్‌గా నిలిచి బాక్సాఫీస్ వ‌ద్ద భారీ క‌లెక్ష‌న్ల‌ను రాబ‌ట్టింది. అలాగే నిర్మాత‌ల‌కు మంచి లాభాల‌ను తెచ్చిపెట్టింది.

అయితే ఈ సినిమా విడుద‌లై నిన్న‌టితో ఏడాది పూర్తి అయింది. ఈ సంద‌ర్భంగా న‌వీన్ పొలిశెట్టి సోష‌ల్ మీడియా ద్వారా ఓ వీడియోను పోస్ట్ చేస్తూ ఎమోష‌న‌ల్ కామెంట్స్ చేశాడు. 'జాతిర‌త్నాలు రిలీజై ఏడాది కంప్లీట్ అయింది. అప్పట్లో వ్యాక్సినేష‌న్ ఇంకా ప్రారంభం కాలేదు. థియేటర్స్ అన్నీ అందుబాటులో లేవు. అయిన‌ప్ప‌టికీ మా సినిమాను ఆద‌రించి బ్లాక్ బ‌స్ట‌ర్ హిట్ చేసినందుకు ధన్యవాదాలు.

మా నాన్న బ్యాక్ గ్రౌండ్ కూడా లేదు సినీ ఇండ‌స్ట్రీలో క‌ష్ట‌మంటూ నాతో ప‌దే ప‌దే చెప్పేవారు. కానీ, నేను ఒంటరిని కానని ఇప్పుడనిపిస్తుంది. నాకు తెలుగు ప్రేక్షకులు అండ‌గా ఉన్నారు. మీ ప్రేమను తిరిగి ఇవ్వడానికి, మిమ్మ‌ల్ని మ‌రింత ఎంట‌ర్‌టైన్ చేయ‌డానికి నేను మ‌రింత కష్టపడి పని చేస్తాను.' అంటూ న‌వీన్ పొలిశెట్టి పేర్కొన్నారు. దీంతో ఇప్పుడీయ‌న పోస్ట్ కాస్త నెట్టింట వైర‌ల్‌గా మారింది.

కాగా, సినిమాల విష‌యానికి వ‌స్తే.. 'రారా కృష్ణయ్య' ఫేమ్ మహేష్.పి ద‌ర్శ‌క‌త్వంలో న‌వీన్ పొలిశెట్టి ఓ సినిమా చేస్తున్నాడు. యూవీ క్రియేషన్స్ వారు నిర్మిస్తున్న ఈ మూవీలో అనుష్క శెట్టి హీరోయిన్‌గా న‌టిస్తోంది.

అలాగే మ‌రోవైపు ఫార్చ్యూన్ ఫోర్ సినిమాస్, సితారా ఎంటర్‌టైన్‌మెంట్స్ బ్యాన‌ర్ల‌పై సంయుక్తంగా నిర్మిత‌మ‌వుతున్న ఓ ఎంట‌ర్‌టైన‌ర్ మూవీలోనూ న‌వీన్ న‌టిస్తున్నాడు.