షాకిస్తున్న ప్ర‌భాస్‌, రాఖీభాయ్ క్రేజీ డీల్‌

దేశ వ్యాప్తంగా సంచ‌ల‌నం సృష్టించిన చిత్రం 'కేజీఎఫ్ చాప్ట‌ర్ 1'. ఎలాంటి అంచ‌నాలు లేకుండా ఐదు భాష‌ల్లో విడుద‌లైన ఈ చిత్రం అంచ‌నాల‌కు అంద‌ని విజ‌యాన్ని సొంతం చేసుకోవ‌డ‌మే కాకుండా రికార్డు స్థాయి వ‌సూళ్ల‌ని రాబ‌ట్టి ట్రేడ్ వ‌ర్గాల‌తో పాటు దేశ వ్యాప్తంగా వున్న స్టార్ ల‌ని విస్మ‌యానికి గురిచేసింది. క‌న్న‌డ ఇండ‌స్ట్రీ నుంచి విడుద‌లైన ఈ మూవీ బాక్సాఫీస్ వ‌ద్ద ఈ స్థాయి సంచ‌ల‌నాలు సృష్టిస్తుంద‌ని ఎవ‌రూ ఊహించ‌లేదు. ఈ మూవీ త‌రువాత ఇందులో నటించిన హీరో య‌ష్ కు, ఈ చిత్రాన్ని తెర‌కెక్కించిన ద‌ర్శ‌కుడు ప్ర‌శాంత్ నీల్ కు భారీ క్రేజ్ తో పాటు హ్యూజ్ డిమాండ్ ఏర్ప‌డింది.

త్వ‌ర‌లో ఈ మూవీకి సీక్వెల్ గా వ‌స్తున్న 'కేజీఎఫ్ చాప్ట‌ర్ 2' వ‌ర‌ల్డ్ వైడ్ గా విడుద‌ల కాబోతోంది. తొలి భాగం దేశ వ్యాప్తంగా సంచ‌ల‌న విజ‌యాన్ని సాధించి రికార్డులు సృష్టించ‌డంతో చాప్ట‌ర్ 2 కోసం యావ‌త్ దేశం వ్యాప్తంగా వున్న సినీ ప్రియులు ఆస‌క్తిగా ఎదురుచూస్తున్నారు. రిలీజ్ కు ముందే ఈ క్రేజ్ కార‌ణంగా చాప్ట‌ర్ 2 ప్రీ రిలీజ్ బిజినెస్ ప‌న‌రంగా రికార్డులు సృష్టిస్తోంది. ఏప్రిల్ 14న ప్ర‌పంచ వ్యాప్తంగా ఈ మూవీ ఐదు భాష‌ల్లో రికార్డు స్థాయిలో విడుద‌ల‌కు సిద్ద‌మ‌వుతోంది. ఇప్ప‌టికే ప్రి రిలీజ్ బిజినెస్ ప‌రంగా ఈ మూవీ వార్త‌ల్లో నిలిచింది.

ఈ మూవీ త‌రువాత ద‌ర్శ‌కుడు ప్ర‌శాంత్ నీల్ 'స‌లార్‌' మూవీని చేస్తున్న విష‌యం తెలిసిందే. పాన్ ఇండియా స్టార్ ప్ర‌భాస్ ఇండులో హీరో. హైవోల్టేజ్ యాక్ష‌న్ ఎంట‌ర్ టైన‌ర్ గా రూపొందుతున్న ఈ మూవీలో ప్ర‌బాస్ కు జోడీ గా శృతి హాస‌న్ న‌టిస్తోంది. దాదాపు చిత్రీక‌ర‌ణ మొత్తం పూర్తి చేసుకున్న ఈ మూవీ ప్ర‌స్తుతం వార్త‌ల్లో నిలుస్తోంది. ప్రారంభం నుంచి ప్రేక్ష‌కుల్లోనూ, ట్రేడ్ వ‌ర్గాల్లోనూ హాట్ టాపిక్ గా మారిన ఈ మూవీ ఓవ‌ర్సీస్ బిజినెస్ రికార్డు స్థాయిలో జ‌రిగింద‌ని తెలిసింది. ఇటీవ‌లే కేజీఎఫ్ చాప్ట‌ర్ 2, స‌లార్ చిత్రాల ఓవ‌ర్సీస్ బిజినెస్ ని మేక‌ర్స్ పూర్తి చేసిన‌ట్టుగా తెలుస్తోంది.

ఈ రెండు చిత్రాల‌కు సంబంధించిన ఓవ‌ర్సీస్ రైట్స్ రికార్డు స్థాయికి అమ్ముడు పోయినట్టుగా తెలుస్తోంది. బాలీవుడ్ కు చెందిన ఫార్స్ ఫిలింస్ సంస్థ ఈ రెండు చిత్రాల ఓవ‌ర్సీస్ హ‌క్కుల్ని 100 కోట్ల రికార్డు మొత్తానికి సొంతం చేసుకోవ‌డం ఇప్పుడు హాట్ టాపిక్ గా మారింది. బాహుబ‌లి, ఆర్ ఆర్ ఆర్ చిత్రాల త‌రువాత ఇదే భారీ డీల్ అని ఓవ‌ర్సీస్ చ‌రిత్ర‌లోనే ఈ టీల్ ఓ రికార్డ్ అని ఇండ‌స్ట్రీ వ‌ర్గాలు చెబుతున్నాయి. ప్ర‌భాస్ న‌టిస్తున్న 'స‌లార్' ఓ యాక్ష‌న్ థ్రిల్ల‌ర్. ఇందులో ర‌గ్గ్‌డ్ క్యారెక్ట‌ర్ లో ప్ర‌భాస్ మాఫియా డాన్ గా క‌నిపించ‌బోతున్నారు. దీంతో ఈ మూవీపై అంచ‌నాలు ఏర్ప‌డ్డాయి.

ఇక చాప్ట‌ర్ 1 హ్యూజ్ హిట్ కావడంతో 'కేజీఎఫ్ చాప్ట‌ర్ 2' పై అంచ‌నాలు తారా స్థాయికి చేరాయి. బాహుబ‌లి పార్ట్ 2 కోసం సినీ ప్రియులు ఎంత ఆస‌క్తిగా ఎదురుచూశారో ఈ చాప్ట‌ర్ 2 కోసం కూడా అంతే ఆస‌క్తిగా ఎదురుచూస్తున్నారు.

దీంతో పార్ట్ 2 పై బిజినెస్ ప‌రంగానూ భారీ క్రేజ్ ఏర్ప‌డింది. అదే ఓవ‌ర్సీస్ రైట్స్ విష‌యంలో స్ప‌ష్ట‌మైంద‌ని అంటున్నారు. ఏప్రిల్ 14న విడుద‌ల కానున్న 'కేజీఎఫ్ చాప్ట‌ర్ 2' ఇండియ‌న్ బాక్సాఫీస్ వ‌ద్ద ఏ స్థాయి సంచ‌ల‌నాలు సృష్టిస్తుందో వేచి చూడాల్సిందే.