ఒకే ఒర‌లో రెండు క‌త్తులు! స‌హాయ‌న‌టిలో ఆ కోణం

అందానికి అందం ప్ర‌తిభ ఒకే ఒర‌లో ఒదిగిపోతే ప‌రిశ్ర‌మ‌లో ఎద‌గ‌డం ఎలానో తెలుగు స‌హాయ‌నటి సురేఖా వాణి ప్రాక్టిక‌ల్ గా చూపించారు. కాలంతో పాటే వేగాన్ని అందుకోవ‌డం ఎలానో తెలిసిన టీవీ మూవీ న‌టిగా హోస్ట్ గా ఆల్ రౌండ‌ర్ గా త‌నని తాను ఆవిష్క‌రించుకున్నారు ఈ ప్ర‌తిభావ‌ని.

ఇటీవ‌ల త‌న కుమార్తెను కూడా తెలుగు తెర‌కు ప‌రిచ‌యం చేసేందుకు అవ‌స‌ర‌మైన ప్ర‌చారాన్ని క‌ల్పిస్తున్నారు. మామ్ అండ్ డాట‌ర్స్ వ‌రుస ఫోటోషూట్లు వీడియోలు వ‌గైరా అంత‌ర్జాలంలో వైర‌ల్ గా మారుతున్నాయి. ఒక బాధ్య‌త క‌లిగిన మామ్ గా త‌న కుమార్తె కెరీర్ విష‌యంలోనూ సురేఖా వాణి ఎంతో తెలివైన ప్ర‌ణాళిక‌ల‌తో దూసుకెళుతున్నారు.

సోష‌ల్ మీడియా కామెంట్ల‌తో ప‌ని లేకుండా ఇటీవ‌ల‌ సురేఖ వ‌రుస ఫోటోషూట్లను షేర్ చేస్తున్నారు. తాజాగా స‌హాయ‌నటి సురేఖా వాణి గ్లామ‌ర‌స్ ఫోటోషూట్ అంత‌ర్జాలంలో వైర‌ల్ గా మారింది. స‌హాయన‌టి ధూమ్మ‌చాలే ధూమ్ అంటూ కితాబిచ్చేస్తోంది యూత్ ఈ ఫోటో చూశాక‌. ఈ ఫోటోషూట్ ని చూడ‌గానే బాలీవుడ్ ఫ్యాష‌నిస్టా సోన‌మ్ క‌పూర్ తో సురేఖ‌ను పోల్చేయ‌డం కొంత ఆస‌క్తిని సంత‌రించుకుంది. గ్లామ‌ర్ అండ్ గ్లిజ్ ప్ర‌పంచంలో త‌న‌ని తాను నిల‌బెట్టుకునేందుకు ఇది అనుస‌ర‌ణీయ మార్గ‌మ‌ని నిరూపిస్తున్నారు సురేఖ‌.

అక్కా చెల్లెళ్లే అంటూ కితాబు
సురేఖావాణికి సోష‌ల్ మీడియా ఫాలోవ‌ర్స్ అసాధార‌ణంగా ఉన్నారు. నేటిత‌రం క‌థానాయిక‌ త‌ర‌హాలోనే సురేఖావాణి కూడా భారీగా అనుచ‌రుల‌ను క‌లిగి ఉన్నారు. ఎప్ప‌టిక‌ప్పుడు త‌న‌లోని గ్లామ‌ర్ యాంగిల్ ని ఫోటోలు వీడియోల రూపంలో ఎలివేట్ చేయ‌డంతో ల‌క్ష‌ల్లో ఫాలోవ‌ర్స్ ఏర్ప‌డ్డారు. లాక్ డౌన్ స‌మయంలో సురేఖా వాణి సోష‌ల్ మీడియాలో మరింత‌గా ఫాలోవ‌ర్స్ ని పెంచుకున్నారు. నిరంత‌ర యోగా జిమ్ సెష‌న్స్ కి సంబంధించిన‌ వీడియో లు... డ్రెస్సింగ్ రూమ్ ఫోటోల‌ను అప్ డేట్ చేస్తూ న‌వ‌త‌రం నాయిక‌ల‌కు ఎంత మాత్రం తీసిపోన‌ని చెప్ప‌క‌నే చెప్పారు. అలాగే సురేఖావాణి డాట‌ర్ సుప్రీత‌కు సంబంధించిన ఫోటోల్ని సైతం మీడియాలోకి వ‌దిలి సునామీ సృష్టించారు.

త‌ల్లి కూతుళ్లిద్ద‌రు ఒకే ర‌క‌మైన డ్రెస్ కోడ్ తో చాలాసార్లు క‌నిపించిన సంగ‌తి తెలిసిందే. ఇక సుప్రిత బ‌ర్త్ డే సంద‌ర్భంగా త‌ల్లీకూతుళ్లిద్ద‌రు ప‌ర్స‌న‌ల్ గా ఇంట్లో ఎలా ఎంజాయ్ చేసారో తెలిసిందే. పార్టీ నుంచి స్ప‌ష‌ల్ ఫోటోల్ని అభిమానుల‌తో పంచుకుని జిగేల్మ‌నిపించారు. కొన్ని కొన్ని సంద‌ర్భాల్లో ఇద్ద‌రిని ప‌క్క ప‌క్క‌నే చూసి త‌ల్లీకూతుళ్లా- అక్కాచెల్లెళ్లా అనే డౌట్లు పుట్టించేయ‌డం ఆ ఇద్ద‌రికే చెల్లింది. ఇక సుప్రిత జ‌న్మ‌దినోత్స‌వం సంద‌ర్భంగా త‌న స్నేహితుల‌తో ఓ రేంజ్ లో ఎంజాయ్ చేయ‌డం ఆ ఫోటోలు వెబ్ లో వేడెక్కించ‌డం మ‌రో ఎత్తు.

ఆ పార్టీలో ఓ షాంపేన్ బాటిల్ ని కూడా పొంగించి చిలౌట్ చేయ‌డం క‌నిపించింది. పార్టీ నైట్ అంతా ప్రెండ్స్ గ్యాంగ్ తో సుప్రీత ఫుల్ గా ఎంజాయ్ చేయ‌డం అప్ప‌ట్లో హాట్ టాపిక్ అయ్యింది. ఇదే పార్టీలో త‌ల్లి సురేఖా వాణి కూడా చేరిపోయి చిన్న‌ వ‌య‌సులోకి ప‌ర‌కాయం చేశార‌ట‌. సుప్రీత‌- సురేఖ ఇద్ద‌రు స‌మ‌యం దొరికిందంటే విదేశీ ప్ర‌యాణాలు కూడా బాగానే చేస్తారు. సురేఖ వాణికి షూటింగ్ లు లేక‌పోతే కుమార్తెతోనే టైమ్ పాస్. ఒక స్నేహితురాలిలా ఎంజాయ్ చేస్తారని చాలా సంద‌ర్భాల్లో రుజువైంది.