అనుష్క శెట్టి లాక్డ్.. ప‌క్కా వివ‌రాలు ఇవిగో..!

అనుష్క శెట్టి.. ఇన్నాళ్లు ఏమైంది? ఎందుక‌ని ఇంత గ్యాప్? రెండేళ్లుగా ఎందుక‌ని పూర్తిగా స్థ‌బ్ధుగా ఉంది? అంటే దానికి స‌రైన జ‌వాబు లేదు. అనుష్క దేనికీ స్పందించ‌డం లేదు. తెలుగు-త‌మిళంలో ఆఫ‌ర్లు ఉన్నాయి అన్నారే కానీ షూటింగ్ షెడ్యూల్స్ గురించిన అప్ డేట్ లేదు. నిస్సందేహంగా ప్రస్తుతం ఉన్న అత్యంత ప్రతిభావంతురాలైన న‌టి అనుష్క‌. నిర్మాత‌లు బ్యాంకింగ్ కోరుకునే నటీమణులలో ఒకరు.

తమిళ - తెలుగు చలనచిత్ర పరిశ్రమలలో అత్యంత పాపుల‌ర్ ముఖాలలో ఒకరైన అనుష్క మ‌రీ ఇంత‌కాలం గ్యాప్ తీసుకోవ‌డ‌మేమిటో? అని సందేహించేవాళ్లున్నారు.

ఇంత‌కుముంద యువి క్రియేష‌న్స్ లో సినిమా చేస్తోంద‌ని టాక్ వ‌చ్చింది అయితే ఆ త‌ర్వాత‌ పెళ్లి చేసుకొని లైఫ్ లో సెటిల్‌ అవుతుంది. అందుకే ఆమె యూవీ క్రియేషన్స్‌ బ్యానర్ లో చేయాల్సిన సినిమా నుంచి తప్పుకుంది అంటూ వచ్చిన పుకార్లకు బర్త్ డే సందర్భంగా చెక్ పెట్టింది అనుష్క.

యూవీ క్రియేషన్స్ సినిమాను అధికారికంగా ప్రకటించింది. అనష్కకు 48వ చిత్రం ఇది. మహేశ్‌బాబు.పి దర్శకత్వం వహిస్తున్న ఈ చిత్రాన్ని యూవీ క్రియేషన్స్‌ బ్యానర్‌ పై తెరకెక్కనుంది. యువీలో అనుష్క మిర్చి-భాగమతి అనే రెండు సినిమాలు చేసింది. ఈ బ్యాన‌ర్ హ్యాట్రిక్ మూవీ ఆఫ‌ర్ త‌న‌కు ఉంది .ఈ సినిమాకు ఇద్దరి పేర్లు కలిసొచ్చేలా `మిస్. శెట్టి.. మిస్టర్.. పోలిశెట్టి` అనే టైటిల్ నిర్ణయించారని అప్పట్లో ప్రచారం జరిగింది.

తాజాగా ప్రముఖ తమిళ దర్శకుడితో అనుష్క శెట్టి తన తదుపరి చిత్రం ఉంటుంద‌ని ప్ర‌చారం సాగుతోంది. AL విజయ్ తో క‌లిసి నాన్న సినిమాకు ప‌ని చేసిన అనుష్క‌ ఇప్పుడు మ‌రో సినిమా చేయ‌నుంద‌ని తెలుస్తోంది. ఎప్పుడూ ప్రయోగాత్మక పాత్రలను ఎంపిక చేసుకోవడం అనుష్క‌కు కొత్తేమీ కాదు కానీ... ఈసారి ఎలాంటి పాత్ర‌లో క‌నిపిస్తుందో చూడాలి. అనుష్క చివరిసారిగా నిశ్శబ్ధంలో కనిపించింది. ఈ మూవీలో ఆమె హత్య రహస్యం నేప‌థ్యంలో సాగే క‌థ‌లో మూగ కళాకారిణి పాత్రను పోషించింది.

అటుపై యువీతో మూవీ త‌ప్ప ఇతర ప్రాజెక్ట్ లను అనుష్క‌ ప్రకటించలేదు. ఇప్పుడు దర్శకుడు AL విజయ్ తో మూవీకి సిద్ధంగా ఉందని సన్నిహిత వర్గాలు వెల్లడించాయి. ఈ చిత్రం మహిళా ప్రధానాంశంగా ఉంటుందని దీనికి సంబంధించిన అధికారిక ప్రకటన త్వరలో వెలువడే అవకాశం ఉందని సమాచారం. ఇత‌ర నటీనటులు .. సాంకేతిక నిపుణుల వివరాలు కూడా త్వరలో వెలువడే అవకాశం ఉంది.