ఫోటోటాక్: క‌ర్టెన్ మాటున‌ పులి ఘాటు అందాలు

రెండు దశాబ్ధాల క్రితం రిలీజైంది 'చిరుత' మూవీ. ఆ ఒక్క సినిమాతోనే తెలుగు ప్రేక్షకులకు ఇంకా గుర్తుంది నేహాశర్మ. ఏయ్ బాబూ ఇటు రా! అంటూ తన బాడీ గార్డ్ రామ్ చరణ్ ని కొంటెగా గర్వంగా పిలిచే పెద్దింటి అమ్మాయిగా నేహా శర్మ నటన నిజంగానే మెగాభిమానులకు కిక్కిచ్చింది. 'చిరుత' తర్వాత కూడా నేహా తెలుగులో నటిస్తుందనుకున్నారు కానీ వరుణ్ సందేశ్ సరసన ఓ చిన్న సినిమా చేశాక ఆ తర్వాత అడ్రెస్ గల్లంతయ్యింది.

కొన్నాళ్ల పాటు నేహాశర్మ కనిపించకపోయే సరికి తనతో నిండా ప్రేమలో పడిపోయిన ఓ హీరోనే నేహాను నటించకుండా దాచేశాడని ప్రచారం కూడా సాగిపోయింది. కానీ అవేవీ నిజాలు కాదని తనకు హిందీ పరిశ్రమలో నటించే ఉద్ధేశంతో తిరిగి ఇటు చూడలేదని కూడా వెల్లడైంది.ఏదేమైనా అదంతా గతం.. వర్తమానంలో నేహాశర్మ హిందీ చిత్రసీమలో వరుసగా క్రేజీ అవకాశాలు అందుకుంటోంది.

ప్రస్తుతం 'జోగిరా సారా రారా' అనే సినిమాలో నటిస్తోంది. ఇందులో నవాజుద్దీన్ సరసన నటిస్తోంది. ఇంతకుముందు 'ఇఫాట్ ఈ ఇష్క్' లో అద్భుతమైన నటనతో ఆకట్టుకుంది.

అలాగే తదుపరి పలు వెబ్ సిరీస్ లలోనూ నటించేందుకు నేహా సన్నాహకాల్లో ఉందని తెలిసింది. ఇక నేహాశర్మ రెగ్యులర్ ఫోటోషూట్లు త‌రుచూ అంతర్జాలంలో హీట్ పెంచుతున్న సంగతి తెలిసిందే.

తాజాగా బ్లాక్ సిజ్లింగ్ దుస్తుల్లో అందాలు ఆర‌బోసింది. బాడీ కాన్ స్క‌ర్ట్ పై న‌ల్ల‌టి స్లీవ్ లెస్ బ్లౌజ్ ని ధ‌రించింది. షీర్ క‌ర్టెన్ వెనుక దాగుని క్యామ్ కి కిల్ల‌ర్ లుక్ లో ఘాటు ఫోజులిచ్చింది. బ్రౌన్ షేడ్ లో మ్యాట్ లిప్ స్టిక్ ని ఎంచుకుంది.

ఈ ఫోటోని నేహా శర్మ షేర్ చేయగా అది వైరల్ గా మారింది. అభిమానులు అమ్మ‌డి హాట్ ఫోటోపై అంతే ధీటుగా కామెంట్లు పోస్ట్ చేస్తున్నారు. ఇర్రెసిస్టిబుల్ మోనోక్రోమ్ ఫోటో షూట్ లో బ్యూటీ అందాలకి యువ‌త కళ్లు ఎటూ క‌ద‌ల‌డం లేదంటూ ఓ అభిమాని కామెంట్ చేయ‌డం విశేషం.