ఫోటో స్టోరి: అక్కా బావ న‌చ్చాడు అంటుందేమో!

అక్కా బావ న‌చ్చాడు అంటుందేమో!.. ఈ ఫోటో చూడ‌గానే పారీ అభిమానుల సందేహ‌మిది. ఓవైపు బావ‌తో క‌లిసి సిస్ సెల‌బ్రేష‌న్ మోడ్ లో క‌నిపిస్తుంటే మ‌ధ్య‌లో వ‌చ్చి ఇలా డిస్ట్ర‌బ్ చేస్తోంది. ఇంత‌కీ ఈ పార్టీ ఎక్క‌డ‌? అంటే .. మెక్సికోలో ఎగ్జోటిక్ బీచ్ డెస్టినేష‌న్ లో ఇలా చెల‌రేగి ఫోజులిచ్చింది పారీ.

పరిణీతి తన ఇన్ స్టాగ్రామ్ స్టోరీస్ లో వ‌రుస ఫోటోలను షేర్ చేసింది.  మెక్సికోలోని కాబో శాన్ లూకాస్ అని జియో అంటూ వీటికి ట్యాగ్ చేసింది. అక్క‌డ ఫోటోల్లో అక్కా బావ‌ల‌తో క‌లిసి బీచ్ పార్టీలో పారీ ఎంతో స్టైలిష్ గా ఫోజులిచ్చింది. ఆ స‌మ‌యంలో బ్లాక్ రేబాన్ ని ధ‌రించింది.

ప్రియానిక్ ఈ ఫోటోలో ఎంతో స్టైలిష్ గా క‌నిపించారు. ఒక ఫోటోలో నిక్ మరియాచి బ్యాండ్ కి విజయ చిహ్నాన్ని చూపించారు. మరో క్లిప్ లో బ్యాండ్ పాడేటప్పుడు ప్రియాంక భోగి మంటల దగ్గర కూర్చుని క‌నిపించింది.

ప్రియాంక చోప్రా తన 40వ పుట్టినరోజు వేడుక‌ల‌ను జూలై 18న మెక్సికోలో స్నేహితులు కుటుంబ సభ్యుల స‌మ‌క్షంలో ఘ‌నంగా జరుపుకుంది. ఈ వేడుక‌ల్లో పీసీ మాతృమూర్తి మ‌ధు చోప్రా.. నిక్ జోనాస్ సోద‌రులు కుటుంబం కూడా పాల్గొన్నారు. ఈ ఫోటోలు ఇంత‌కుముందే వైర‌ల్ అయ్యాయి.

కెరీర్ మ్యాట‌ర్ కి వ‌స్తే.. రిభు దాస్ గుప్తా త‌దుప‌రి చిత్రంలో పరిణీతి క‌థానాయిక‌గా న‌టిస్తోంది. ఈ సినిమాకి ఇంకా టైటిల్ నిర్ణ‌యించాల్సి ఉంది. అమితాబ్ బచ్చన్- బోమన్ ఇరానీ- అనుపమ్ ఖేర్ లతో క‌లిసి సూరజ్ బర్జాత్యా `ఉంచాయ్‌`లో కూడా కనిపించనుంది. ఇంతియాజ్ అలీ తదుపరి చిత్రం `చమ్కిలా`లో దిల్జిత్ దోసాంజ్ సరసన కూడా పరిణీతి నటించ‌నుంది.