బేబ‌మ్మ కొత్త కోరిక‌.. ఎప్ప‌టికి తీరుతుందో..?

కృతి శెట్టి.. గ‌త కొద్ది రోజుల నుంచీ టాలీవుడ్ లో మారుమోగిపోతున్న పేరు ఇది. కర్ణాటక రాష్ట్రంలోని మంగళూరులో జ‌న్మించిన ఈ అందాల భామ‌.. ఇర‌వై ఏళ్లు నిండ‌క ముందే 'ఉప్పెన‌' సినిమాతో హీరోయిన్ గా తెలుగు చిత్ర ప‌రిశ్ర‌మ‌లోకి అడుగు పెట్టింది. బుచ్చిబాబు సానా తెర‌కెక్కించిన ఈ చిత్రంలో మెగా మేన‌ల్లుడు వైష్ణ‌వ్ తేజ్ కు జోడీగా 'బేబ‌మ్మ‌' పాత్ర‌లో కృతి శెట్టి అద‌ర‌గొట్టేసింది. న‌ట‌న ప‌రంగానే కాకుండా త‌న‌దైన క్యూట్‌నెస్ తో ప్రేక్ష‌కుల‌ను మిస్మ‌రైజ్ చేసింది.

ఉప్పెన త‌ర్వాత ఈమె నానితో చేసిన 'శ్యామ్ సింగ‌రాయ్‌', నాగ చైత‌న్య‌తో చేసిన 'బంగార్రాజు' చిత్రాలు సైతం బాక్సాఫీస్ వ‌ద్ద సూప‌ర్ హిట్స్ గా నిలిచాయి. హ్యాట్రిక్ విజ‌యాలు అందుకోవ‌డంతో కృతి శెట్టి క్రేజ్ వేరె లెవ‌ల్ కి చేరింది. పైగా యూత్ లోనూ ఈ అమ్మ‌డు భారీ ఫాలోయింగ్ ను సంపాదించుకుంటోంది.

మొత్తానికి అన‌తి కాలంలోనే టాలీవుడ్ లో మోస్ట్ వాంటెడ్ హీరోయిన్ గా మారిన కృతి శెట్టికి కోలీవుడ్ నుంచి కూడా ఆఫ‌ర్లు వ‌స్తున్నాయి. దీంతో ఆమె డేట్స్ ఇప్పుడు హాట్ కేక్ అయిపోయాయి. చాలా మంది నిర్మాతలు కృతి డేట్స్ కోసం ఎదురు చూస్తున్నారు.

ఇదిలా ఉంటే.. ఇటీవ‌ల కృతి శెట్టి ఓ ఇంట‌ర్వ్యూలో పాల్గొంది. ఈ సంద‌ర్భంగా ఆమె ఓ కొత్త కోరిక‌ను అంద‌రితోనూ షేర్ చేసుకుంది. ఇంత‌కీ కృతి శెట్టి కోరిక ఏంటంటే.. ఆమెకు రాకుమారి పాత్రలో నటించాల‌నుంద‌ట‌. కృతి శెట్టి మాట్లాడుతూ.. 'నాకు ఎప్పుడు ఒకేలాంటి పాత్ర‌లు చేయ‌డం ఇష్టం ఉండ‌దు. ఇప్ప‌టి వ‌ర‌కు నేని చేసిన పాత్ర‌ల‌న్నీ వేటికవి భిన్నమైనవి. అందుకే నేను ఇంత త్వ‌ర‌గా ప్రేక్ష‌కుల‌ను రీచ్ అవ్వ‌గ‌లిగాను.

ఇప్పుడు, ఎప్పుడూ నా దగ్గరకు వచ్చే కథల్లో గత చిత్రాలను పోలినవి, మూసగా అనిపించినవిగా ఉంటే చేయ‌న‌ని చెప్పేస్తా. నటిగా నన్ను నేను ప్రూవ్ చేసుకోవాలంటే.. సవాలు విసిరే పాత్ర‌ల‌నే ఎంచుకోవాలి. వాటి కోస‌మే ఎదురు చూస్తున్నా. అలాగే నాకు రాకుమారి పాత్రలో నటించాలనుంది. అది నా డ్రీమ్ రోల్‌. ఎప్పటికి తీరుతుందో చూడాలి' అంటూ చెప్పుకొచ్చింది.

కాగా, కృతి శెట్టి సినిమాల విష‌యానికి వ‌స్తే.. సుధీర్ బాబుతో ఇంద్రగంటి మోహన కృష్ణ తెర‌కెక్కిస్తున్న 'ఆ అమ్మాయి గురించి మీకు చెప్పాలి', ఎం.ఎస్‌.రాజశేఖర్‌ రెడ్డి ద‌ర్శ‌క‌త్వంలో నితిన్ హీరోగా రూపొందుతున్న‌ 'మాచర్ల నియోజవర్గం' చిత్రాల్లో న‌టిస్తోంది. అలాగే టాలీవుడ్ ఎన‌ర్జిటిక్ స్టార్ రామ్ పోతినేనికు జోడీగా 'ది వారియ‌ర్‌' అనే ద్విభాషా చిత్రం చేస్తోంది. లింగుస్వామి ద‌ర్శ‌క‌త్వం వ‌హిస్తున్న ఈ సినిమా జూలై 14న తెలుగు, త‌మిళ భాష‌ల్లో గ్రాండ్ గా విడుద‌ల కానుంది.