ర‌జ‌నీ సినిమాపై లేటెస్ట్ అప్ డేట్‌

ర‌జ‌నీకాంత్ న‌టించిన 168వ చిత్రం `అన్నాత్తే`. సిరుతై శివ డైరెక్ట్ చేసిన ఈ మూవీని స‌న్ పిక్చ‌ర్స్ బ్యాన‌ర్ పై క‌ళానిధి మార‌న్ అత్యంత భారీ బ‌డ్జెట్ తో నిర్మించారు. తెలుగులో ఇదే మూవీని `పెద్ద‌న్న‌` పేరుతో రిలీజ్ చేశారు. రెండు భాష‌ల‌లో ఈ మూవీ ఎప్పుడు వ‌చ్చిందో ఎప్పుడు వెళ్లిందో ఎవ‌రికీ తెలియ‌కుండానే వెళ్లిపోయింది. భారీ డిజాస్ట‌ర్ గా నిలిచింది. అయితే ఈ మూవీ త‌రువాత ఇదే సంస్థ ర‌జ‌నీకాంత్ 169వ మూవీని నిర్మిస్తోంది.

ఇటీవ‌ల ద‌ళ‌ప‌తి విజ‌య్ తో `బీస్ట్‌` మూవీని రూపొందించిన నెల్స‌న్ దిలీప్ కుమార్ ఈ మూవీని డైరెక్ట్ చేయ‌బోతున్నారు. అనిరుధ్ సంగీతం అందిస్తున్న ఈ మూవీకి ఇటీవ‌లే `జైల‌ర్‌` అనే టైటిల్ ని ఫిక్స్ చేశారు.

త‌లారి క‌త్తి ర‌క్తం ఓడుతున్న స్టిల్ పై టైటిల్ ని వ‌దిలారు. టైటిల్ లోనే సినిమాలో త‌లైవా ర‌జ‌నీ క్యారెక్ట‌ర్ ఏంటో రివీల్ చేశారు. జైల‌ర్ గా ర‌జ‌నీ న‌టిస్తున్న ఈ మూవీ ఓ మాసీవ్ యాక్ష‌న్ ఎంట‌ర్ టైన‌ర్ గా తెర‌పైకి రాబోతోంద‌ని స్ప‌ష్ట‌మ‌వుతోంది.

ఇదిలా వుంటే తాజాగా ఈ మూవీ స్టోరీకి సంబంధించిన ఆస‌క్తిక‌ర‌మైన అప్ డేట్ ఒక‌టి బ‌య‌టికి వ‌చ్చింది. కోలీవుడ్ వ‌ర్గాల స‌మాచారం ప్ర‌కారం ఈ మూవీ మొత్తం జైల్ నేప‌థ్యంలో సాగుతుంద‌ని తెలుస్తోంది. ర‌జ‌నీ జైల‌ర్ గా క‌నిపించ‌నున్న నేప‌థ్యంలో ఈ చిత్ర క‌థ మొత్తం జైల్ చుట్టూనే తిరుగుతుంద‌ని చెబుతున్నారు.

ఇందు కోసం భారీ జైలు సెట్ ని కూడా అత్యంత భారీ బ‌డ్జెట్ తో నిర్మించ‌బోతున్నార‌ని తెలుస్తోంది. ప‌వ‌ర్ ఫుల్ యాక్ష‌న్ ఎంట‌ర్ టైన‌ర్ గా రూపొంద‌నున్న ఈ మూవీ త్వ‌ర‌లోనే సెట్స్ పైకి వెళ్ల‌నున్న‌ట్టు తెలిసింది.

ఇటీవ‌ల `బీస్ట్‌` మూవీని భారీ షాపింగ్ మాల్ నేప‌థ్యంలో ద‌ర్శ‌కుడు నెల్స‌న్ దిలీప్ కుమార్ తెర‌కెక్కించిన విషయం తెలిసిందే. ఈ మూవీ కోసం షాపింగ్ మాల్ సెట్ ని భారీగా ఏర్పాటు చేసిన విధంగానే ర‌జ‌నీ `జైల‌ర్‌` మూవీ కోసం కూడా భారీ జైల్ సెట్ ని నిర్మించిన త‌రువాత రెగ్యుల‌ర్ షూటింగ్ కి వెళ్ల‌బోతున్నార‌ట‌. ఈ మూవీలో ర‌జ‌నీకి జోడీగా న‌టించే హీరోయిన్ ఎవ‌రు? .. ఇత‌ర న‌టీన‌టులు, సాంకేతిక నిపుణుల‌కు సంబంధించిన వివ‌రాలు త్వ‌ర‌లోనే తెలియ‌నున్నాయి.