తారక్ కథ సిద్ధం..అనండిక జయహో జనత..

జ‌య‌హో జ‌న‌త అని అన్నారాయ‌న ప్ర‌కృతికి ప్ర‌ణ‌మిల్లారు ఆయ‌న ముంబ‌యి దారుల్లో మ‌రియు జ‌నతా గ్యారేజ్ లో.. ఎన్నింటినో స‌వ‌రించారు ఇంకెన్నింటినో స‌రిదిద్దారు ఆ ఇద్ద‌రూ ఇప్పుడు ఆ ఇద్ద‌రూ మ‌ళ్లీ క‌లిసి ఇంకొన్ని మంచి ప‌నుల‌కు శ్రీ‌కారం దిద్ద‌నున్నారు వారే తార‌క్ - కొర‌టాల శివ వీరికి తోడు గా ఆన్ స్క్రీన్ వండ‌ర్స్ కు సిద్ధం అవుతున్న సినిమాటోగ్ర‌ఫ‌ర్ మ‌ధి కూడా !

ట్రిపుల్ ఆర్ స‌క్సెస్ క‌న్నా టెన్ష‌న్ ఎక్కువ పెట్టింది తారక్ ను..ఇప్పుడా ఒత్తిడి నుంచి బ‌య‌ట‌ప‌డేందుకు ఫ్యామిలీతో తార‌క్ ఎక్కువ సేపు గ‌డుపుతూ ఉన్నాడు. సినిమా రిలీజ్ అయిన నాటి నుంచి నేటి వ‌ర‌కూ అంతా రామ్ చ‌ర‌ణ్ తో పాటు తారక్ స‌మ ఉజ్జీలుగా న‌టించార‌ని ప్ర‌శంసిస్తున్నారు. సినిమా విడుద‌ల‌యిన తొలి వారంలో కాస్త ఫ్యాన్ వార్ న‌డిచినా త‌రువాత అదేమీ లేకుండా పోయింది. మెగాస్టార్ చిరు సైతం త‌న ప్ర‌యివేటు సంభాష‌ణ‌ల్లో సైతం ఈ సినిమాలో తార‌క్ ను చూసి అబ్బుర‌ప‌డ్డాన‌ని అన్నారు. ద‌ర్శ‌కుడు బాబీతో ఓ సంద‌ర్భంలో మాట్లాడుతూ తార‌క్ ను ప్ర‌త్యేకంగా ప్ర‌శంసించారు కూడా ! ఇవ‌న్నీ తారక్ క‌ష్టానికి తగ్గ ఫ‌లాలు.. అందుకే ఆయ‌న ఇదే ఉత్సాహంతో మ‌రో మంచి క‌థ‌తో ప్రేక్ష‌కుల ముందుకు వ‌చ్చేందుకు సిద్ధం అవుతున్నారు.మ‌రోసారి ప్రేక్ష‌కుల‌తో జ‌య‌హో జ‌న‌తా అని అనిపించ‌నున్నారు.

తెలుగు స్టార్ హీరో యంగ్ టైగర్ ఎన్టీఆర్ ఆర్ఆర్ఆర్ సినిమాతో ప్రేక్షకులను పలకరించాడు..ఆ సినిమా ఘన విజయాన్ని అనుకోవడంతో పాటుగా పాన్ ఇండియా స్టార్ హీరో కూడా అయ్యాడు. డైరెక్టర్ రాజమౌళి తెరకెక్కించిన ఈ సినిమాలో రామ్ చరణ్ తో క‌లిసి మ‌మేకం అయి న‌టించారు..స్నేహానికి ఉన్న గొప్ప విలువ‌ను చాటిచెప్పారు.

ప్రపంచ వ్యాప్తంగా విడుదలైన ఈ సినిమా దాదాపు 1100 కోట్లకు పైగా వసూళ్లు సాధించింది. తెలుగు చిత్ర పరిశ్రమలో ఈ సినిమాకు వచ్చిన కలెక్షన్స్ మరే సినిమాకు రాలేదని ప్రాథ‌మిక స‌మాచారం. సినిమా భారీ విజయాన్ని అందుకోవడంతో పాటు త‌న పాత్ర‌కు అనూహ్య రీతిలో మెగాస్టార్ చిరు నుంచి ప్ర‌శంస‌లు ద‌క్క‌డంతో తారక్ సినిమా సక్సెస్ ను ఓ రేంజ్ లో ఎంజాయ్ చేస్తున్నాడు.

ఈ నేప‌థ్యంలో హాలీ డే ట్రిప్ ముగిశాక తారక్ తన తర్వాత సినిమాను మాస్ డైరెక్టర్ కొరటాల శివ దర్శకత్వంలో చేసేందుకు రెడీ అవుతున్న సంగతి అందరికి తెలిసిందే. ఆ సినిమాకు సంబంధించిన స్క్రిప్టును కొరటాల రెడీ చేశార‌ని తెలుస్తుంది. ఇప్పటికే ఈ ప్రాజెక్ట్ ను అఫీషియల్‌గా అనౌన్స్ చేసిన చిత్ర యూనిట్, త్వరలోనే ఈ సినిమాను సెట్స్ మీదకు తీసుకెళ్లేందుకు చిత్ర యూనిట్ స‌భ్యులు రెడీ అవుతున్నారు. కొరటాల శివ‌కు ద‌గ్గ‌రి స్నేహితుడు సుధాక‌ర్ ఈ సినిమాను నిర్మించ‌నున్నార‌ని తెలుస్తోంది.ఎన్టీఆర్ ఆర్ట్స్ కూడా ఈ సినిమా నిర్మాణంలో భాగం పంచుకునే అవ‌కాశాలున్నాయి.

ఈ సినిమాలో ఎన్టీఆర్ ను కొరటాల ఎలా చూపిస్తున్నాడో నందమూరి ఫ్యాన్స్ తో పాటుగా, సినీ అభిమానులలో కూడా ఆసక్తి నెలకొంది. తాజాగా ఆచార్య మూవీ ప్రమోషన్స్ లో భాగంగా కొరటాల తన నెక్స్ట్ మూవీ గురించి ఇంట్రెస్టింగ్ విషయాలను మీడియాతో పంచుకున్నారు. తారక్‌తో తాను చేయబోయే సినిమా సరికొత్తగా ఉండబోతుందని, ఇప్పటివరకు ఎన్టీఆర్ ఎప్పుడూ ఎవ్వ‌రూ చూడని విధంగా మాస్ లుక్ లో కనిపించనున్నారని అభిమానులకు ఖచ్చితంగా నచ్చుతుందని అన్నారు. ఈ సినిమాలో తార‌క్ స‌ర‌స‌న అందాల అలియా న‌టించే అవ‌కాశాలున్నాయి.