ఉస్తాద్ రామ్ తో ఢీ అంటే ఢీకి గురు రెడీ

ఉస్తాద్ రామ్ `రెడ్‌` త‌రువాత చేస్తున్న చిత్రం `ది వారియ‌ర్`. యాక్ష‌న్ చిత్రాల‌కు కేరాఫ్ అడ్ర‌స్ గా నిలిచిన త‌మిళ ద‌ర్శ‌కుడు ఎన్. లింగుస్వామి అత్యంత ప్ర‌తిష్టాత్మ‌కంగా తెర‌కెక్కిస్తున్నారు. శ్రీ‌నివాస చిట్టూరి నిర్మిస్తున్న ఈ మూవీలో కృతిశెట్టి, అక్ష‌ర గౌడ హీరోయిన్ లుగా న‌టిస్తున్నారు. `రెడ్‌` ఆశించిన ఫ‌లితాన్ని అందించ‌క‌పోవ‌డంతో రామ్ `ది వారియ‌ర్‌`తో ఎలాగైనా బ్లాక్ బ‌స్ట‌ర్ హిట్‌ని సొంతం చేసుకోవాల‌నే ఆలోచ‌న‌లో వున్నారు. ఇందు కోసం ఈ మూవీకి సంబంధించిన ప్ర‌తీ విష‌యంలోనూ జాగ్ర‌త్త‌లు తీసుకుంటున్నారు.

ఇదిలా వుంటే రామ్ భారీ అంచనాలు పెట్టుకున్న ఈ మూవీలో ప్ర‌ధాన విల‌న్ గా ప‌వ‌ర్ ఫుల్ పాత్ర‌లో ఆది పినిశెట్టి న‌టిస్తున్నారు. మ‌హా శివ‌రాత్రి సంద‌ర్భంగా ఆది పినిశెట్టి కి సంబంధించిన ఫ‌స్ట్ లుక్ పోస్ట‌ర్ ని చిత్ర బృందం మంగ‌ళ‌వారం విడుద‌ల చేసింది.

ప‌వ‌ర్ ఫుల్ లుక్ లో బ్రౌన్ క‌ల‌ర్ కుర్తా ధ‌రించి మెడ‌లో తాయ‌త్తు.. చేతికి బ్లాక్ థ్రెడ్‌.. క‌డెం ధ‌రించి ర‌గ్గెడ్ లుక్ లో క‌నిపిస్తున్న ఆది పినిశెట్టి స్టిల్ ఆక‌ట్టుకుంటోంది. ఇందులో ఆది పినిశెట్టి గురు అనే ప‌వర్ ఫుల్ విల‌న్ గా క‌నిపించ‌బోతున్నారు. లుక్‌ ప‌రంగా చూస్తే ఆది పినిశెట్టి పాత్ర చాలా క్రుయ‌ల్ గా వుంటుంద‌ని స్ప‌ష్ట‌మ‌వుతోంది.

సినిమాలో రామ్ ప‌వ‌ర్ ఫుల్ పోలీస్ ఆఫీస‌ర్ గా న‌టిస్తున్న విష‌యం తెలిసిందే అయితే ఆది పినిశెట్టి - రామ్ ల మ‌ధ్య వ‌చ్చే స‌న్నివేశాలు సినిమాకు హైలైట్ గా నిలుస్తాయ‌ని, నువ్వా - నేనా అంటూ ఢి అంటే ఢీ అనేంత‌గా వుంటాయ‌ని చిత్ర వ‌ర్గాలు చెబుతున్నాయి. గురు పాత్ర‌ని ద‌ర్శ‌కుడు లింగు స్వామి డిజైన్ చేసిన తీరు సినిమాకు ప్ర‌ధాన హైలైట్ గా నిలుస్తుంద‌ని ఇన్ సైడ్ టాక్. ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. ఈ చిత్రానికి సంబంధించిన మ‌రిన్ని వివ‌రాల్ని చిత్ర బృందం త్వ‌ర‌లో తెలియ‌జేయ‌నుంది.

ఐకాన్ స్టార్ అల్లు అర్జున్ న‌టించిన `స‌రైనోడు` చిత్రంలో ఆది పినిశెట్టి ప‌వ‌ర్ ఫుల్ విల‌న్ గా వైర‌మ్ ధ‌నుష్ పాత్ర‌లో న‌టించి ఆక‌ట్టుకున్న విష‌యం తెలిసిందే. మ‌ళ్లీ ఆ స్థాయికి మించిన పాత్ర‌లో ఆది పినిశెట్టి న‌టిస్తున్న సినిమా ఇది కావ‌డంతో ఈ చిత్రంపై మంచి అంచ‌నాలు ఏర్ప‌డ్డాయి. తెలుగు, త‌మిళ భాష‌ల్లో ఏక కాలంలో తెర‌కెక్కుతున్న ద్విభాషా చిత్రాన్ని ఏక కాలంలో రెండు భాష‌ల్లోనూ విడుద‌ల చేయ‌నున్నారు.

న‌దియా - భార‌తీరాజా - చిరాగ్ జైన్ - రెడిన్ కింగ్స్ లే కీల‌క పాత్ర‌ల్లో న‌టిస్తున్నారు. ఈ చిత్రానికి సంగీతం దేవి శ్రీ‌ప్ర‌సాద్ , ఛాయాగ్ర‌హ‌ణం సుజిత్ వాసుదేవ్ , ఎడిటింగ్ న‌వీన్ నూలి, యాక్ష‌న్ అన్బు - అరివు, మాట‌లు సాయి మాధ‌వ్ బుర్రా, క‌థ - మాట‌లు - స్క్రీన్ ప్లే ద‌ర్శ‌క‌త్వం ఎన్ . లింగు స్వామి.