అన్నాచెల్లెళ్లు బోల్డ్ ఫోజుల‌తో ఏంటిలా?

వృత్తిగ‌తంగా ఎలా ఉన్నా వ్య‌క్తిగ‌తంగా చాలా అల్ల‌రి గ‌డుగ్గాయ్ అని నిరూపించాడు అగ్ర నిర్మాత బోనీక‌పూర్ వార‌సుడు అర్జున్ క‌పూర్. అత‌డి బోల్డ్ ఎటెంప్ట్ బోనీకి చాలా చికాకులు పుట్టించినా కానీ త‌న‌యుడికి అన్నివిధాలా అండ‌గా నిలిచారు బోనీ.

49ఏళ్ల మ‌లైకా అరోరాఖాన్ తో 32ఏళ్ల అర్జున్ క‌పూర్ ఎఫైర్ వ్య‌వ‌హారం బోనీకి అస్స‌లు న‌చ్చ‌దు. దానివ‌ల్ల స‌ల్మాన్ ఖాన్ కుటుంబంతో త‌న బాండింగ్ బ్రేక్ అయ్యింద‌ని ఆవేద‌న చెందారు. తాను వ‌ద్దు అన్న ప‌నే అర్జున్ చేశాడ‌ని క‌ల‌త‌కు గుర‌య్యారు. కానీ కాలంతో పాటు ఇవ‌న్నీ త‌ప్ప‌ద‌ని అర్థ‌మైంది.

ఇక‌పోతే అర్జున్ క‌పూర్ ఇత‌ర ఎఫైర్ల మ్యాట‌ర్ ఎలా ఉన్నా కానీ ఇంట్లో మాత్రం అంద‌రితో ఎంతో స‌ర‌దాగా ఫ‌న్నీగా ఉంటారు. ఇక త‌న సోద‌రీమ‌ణులు జాన్వీ క‌పూర్ - ఖుషీ క‌పూర్ అంటే అత‌డికి ప్రాణం. వారితో తీరిక స‌మ‌యంలో ఎంతో ఫ‌న్ ని ఆస్వాధిస్తుంటారు. ఇదిగో అలాంటి ఒక ఫోజ్ ఇది.

జాన్వీ క‌పూర్ అలా బోల్డ్ గా క‌నిపిస్తుంటే అర్జున్ ఏవో సైగ‌లు చేస్తూ క‌నిపించాడు. ఆ ఇద్ద‌రి అల్ల‌రికి అంతూ ద‌రీ లేద‌ని ఈ ఫోటోగ్రాఫ్ చెబుతోంది. ఇంత‌కుముందు జాన్వీతో పాటు అర్జున్ క‌పూర్ ఫోటోషూట్ అంత‌ర్జాలాన్ని షేక్ చేసింది.

ఇప్పుడు ఇది మ‌రో డిఫ‌రెంట్ ఫోటోషూట్ అని అర్థ‌మ‌వుతోంది. ఇక‌పోతే కెరీర్ ప‌రంగా జాన్వీ క‌పూర్ - అర్జున్ క‌పూర్ ఇద్ద‌రూ చాలా బిజీగా ఉన్నారు. అర్జున్ త‌దుప‌రి పాన్ ఇండియా మ‌ర్కెట్ పై క‌న్నేశాడు. దానికి బోనీక‌పూర్ ర‌క‌ర‌కాలుగా ప్ర‌య‌త్నిస్తున్నార‌ని తెలిసింది.

అలాగే జాన్వీ క‌పూర్ హిందీ చిత్రాల‌తో పాటు తెలుగు-త‌మిళంలోనూ వెల‌గాల‌ని క‌ల‌లుగంటోంది. ఈలోగానే ఖుషీ క‌పూర్ క‌థానాయిక‌గా ప‌రిచ‌యం కానుంది.