కొత్త హీరోల తిరుగుతున్న ప్రభాస్ ను చూస్తే ముచ్చటేస్తోంది

యంగ్‌ రెబల్‌ స్టార్‌ ప్రభాస్‌ పాన్ ఇండియా సూపర్‌ స్టార్‌. ఆయన స్థాయి ఇండియా లో ఏ భాష సినిమా హీరోకు కాని లేదు అనడంలో ఎలాంటి సందేహం లేదు. వేల కోట్ల సినిమాలను ఆయన ప్రస్తుతం చేస్తున్న విషయం తెల్సిందే. ఎంత ఎదిగినా ఒదిగి ఉండే లక్షణం ప్రభాస్ లో స్పష్టంగా కనిపిస్తుంది. ఆయన ఇతరులకు ఇచ్చే గౌరవం మరియు మాట తీరు ఆయన యొక్క అనుకువను తెలియజేస్తాయి.

ప్రతి ఒక్కరిని కూడా గౌరవించే గొప్ప గుణం ప్రభాస్‌ ది అనడంలో సందేహం లేదు. చేసే ఏ సినిమా అయినా మనసు పెట్టి చేస్తాడు అంటూ ప్రభాస్ పై అభిమానులు కామెంట్స్ చేస్తూ ఉంటారు. ఆయన తో వర్క్ చేసే ప్రతి ఒక్కరు కూడా ఆ విషయాన్ని ప్రధానంగా చెబుతూ ఉంటారు. అలాంటి ప్రభాస్ తాజాగా రాధేశ్యామ్‌ సినిమా ను పూర్తి చేసి ప్రేక్షకుల ముందుకు తీసుకు వచ్చేందుకు సిద్దం అయ్యాడు.

రాధేశ్యామ్‌ సినిమా విడుదల కోసం సంక్రాంతి ముందు ప్రమోషన్స్ మొదలు పెట్టారు. ఆ సమయంలో హైదరరాబాద్‌ లో భారీ ఎత్తున ఈవెంట్‌ ను నిర్వహించారు. కాని సంక్రాంతికి సినిమా విడుదల కాలేదు. ఎట్టకేలకు ఈ వారంలో సినిమా ను విడుదల చేయబోతున్నారు. మార్చి 11న ప్రపంచ వ్యాప్తంగా భారీగా విడుదల కాబోతున్న ఈ సినిమాకు సంబంధించిన ప్రమోషన్‌ కార్యక్రమాలు జోరుగా సాగుతున్నాయి.

ఒక కొత్త హీరో తన సినిమా ప్రమోషన్‌ కోసం ఎంతగా అయితే కష్టపడతాడో.. ఎలా అయితే తాపత్రయ పడి మీడియా సంస్థలకు ఇంటర్వ్యూలు ఇస్తాడో అలాగే ప్రభాస్ కూడా తన సినిమా రాధేశ్యామ్ కోసం తాపత్రయ పడుతున్నాడు. మొన్న ముంబయి లో.. నిన్న చెన్నై లో సినిమా ప్రమోషన్‌ కోసం సందడి చేసిన మహేష్ బాబు అండ్‌ టీమ్ మరిన్ని రగరాలను చుట్టేసే అవకాశాలు కనిపిస్తున్నాయి.

రాధేశ్యామ్‌ సినిమా ప్రమోషన్స్ కోసం ప్రభాస్ పడుతున్న తాపత్రయం చూస్తుంటే ఆశ్చర్యంగా ఉందంటూ కొందరు నెటిజన్స్ కామెంట్స్ చేస్తుంటే మరి కొందరు మాత్రం ప్రభాస్‌ ఇందుకే పాన్ ఇండియా సూపర్ స్టార్‌ అయ్యిందంటూ కామెంట్స్ చేస్తున్నారు.

సోషల్‌ మీడియాలో ప్రస్తుతం ప్రభాస్‌ రాధేశ్యామ్‌ సినిమా జోరు కొనసాగుతోంది. ప్రభాస్ రెగ్యులర్ ఇంటర్వ్యూలు మరియు ప్రమోషన్ కార్యక్రమాల వల్ల మీడియాలో కూడా ప్రథానంగా రాధేశ్యామ్‌ ప్రచారం జరుగుతోంది.