రెండు ద‌శాబ్ధాల త‌ర్వాత శివ‌పుత్రుడు కాంబో!

శివ‌పుత్రుడు చిత్రంతో సూర్య‌-బాలా జోడీ క్రిటిక్స్ ప్ర‌శంస‌లు అందుకోవ‌డ‌మే గాక‌... జాతీయ అవార్డులు అందుకున్నారు. ఇందులో విక్ర‌మ్ తో పాటు సూర్య అద్భుత న‌ట‌న క‌న‌బ‌రిచారు. ఆ త‌ర్వాత కూడా సూర్య‌తో బాలా సినిమా చేస్తున్నారు అన్న టాక్ వినిపించినా కానీ కుద‌ర‌లేదు. మ‌ళ్లీ ఈ జోడీ నుంచి ఆ రేంజు ప్ర‌యోగాత్మక చిత్రాన్ని ఆశించినా కానీ ఏదీ వీలుప‌డ‌లేదు.

ఆ ఇద్ద‌రూ గతంలో నందా -పితామగన్ (శివ‌పుత్రుడు) వంటి చిరస్మరణీయ తమిళ చిత్రాలకు క‌లిసి ప‌ని చేసారు. దర్శకుడు బాలా 2000ల ప్రారంభంలో రెండు చిరస్మరణీయ చిత్రాలతో హిట్లు కొట్టారు. ద‌శాబ్ధం త‌ర్వాత ఇప్పుడు మళ్లీ ఓ ప్రాజెక్ట్ కోసం వీరిద్దరూ కలిసి వస్తున్నారు. సూర్య ఇంత‌కుముందే ట్విటర్ లో ఈ విషయాన్ని ప్రకటించాడు, ``అతను నాపై ఎక్కువ నమ్మకం ఉంచిన వ్యక్తి. అతను నన్ను కొత్త ప్రపంచాలను అనుభవించేలా చేశాడు. 20 ఏళ్ల తర్వాత మా నాన్న (శివకుమార్) ఆశీస్సులతో  అదే ఉత్సాహంతో బాలాతో కలిసి మరో అందమైన ప్రయాణాన్ని ప్రారంభిస్తున్నాను`` అని సూర్య వెల్ల‌డించారు.

తనదైన శైలి ఆఫ్ బీట్ సినిమాల‌కు పేరుగాంచిన దర్శకుడు బాలా 90వ దశకంలో తన చిత్రాలతో సూర్యకు పెద్ద బ్రేక్ ఇవ్వ‌డ‌మే గాక‌ ఇమేజ్ మేకోవర్ ని కూడా ఇచ్చాడు. అప్పటి నుండి చిత్రనిర్మాత సూర్య భార్య జ్యోతిక (పరదేశి)తో సహా అనేక ఇతర తారలతో కలిసి పనిచేశారు. ధృవ్ విక్రమ్ తొలి చిత్రం వర్మతో అతని చివరి ప్రదర్శన.

సూర్య అదే సమయంలో  జై భీమ్ అనే చిత్రంలో న‌టించారు. త‌దుప‌రి అతను వెట్రిమారన్ దర్శకత్వంలో వాడివాసల్ కూడా క్యూలో ఉంది. వీటి త‌ర్వాత బాలాతో చిత్రం ఉంటుంది. శివ‌పుత్రుడు కాంబినేష‌న్ ఇంత‌కాలానికి రిపీట‌వుతోంది. మ‌ళ్లీ ఆ ఇద్ద‌రి నుంచి ప్ర‌యోగాత్మ‌క చిత్ర‌మే రానుంది.

అయితే సూర్య న‌టించిన రొటీన్ మ‌సాలా చిత్రం ఇప్పుడు విడుద‌ల‌కు సిద్ధ‌మ‌వుతోంది. పాండిరాజ్ దర్శకత్వంలోని ఈతర్కుమ్ తునింతవన్ తెర‌కెక్కింది. తెలుగులో ఈటీగా విడుద‌ల‌వుతోంది. ఇది ప‌క్కా మాస్ యాక్ష‌న్ చిత్రం. అయితే ఇందులో ఆడ‌వాళ్ల సెంటిమెంట్ ని జోడించి క్యాష్ చేసుకోబోతున్నార‌ని స‌మాచారం. అన్యాయానికి గుర‌య్యే ఆడాళ్ల‌కు అండగా నిలిచే యువ‌కుడిగా సూర్య క‌నిపిస్తాడ‌ట‌. అయితే వీటన్నిటికీ భిన్నంగా బాలా చిత్రంలో అత‌డి పాత్ర ఉంటుంద‌ని తెలిసింది. అందులో మూగ‌-చెవిటి వాడిగా సూర్య న‌టిస్తార‌ట‌.

అత‌డు ద్విపాత్రాభిన‌యం చేస్తార‌ని అందులో ఒక పాత్ర‌కు భార్య‌గా జ్యోతిక న‌టించ‌నుంద‌ని కూడా గుస‌గుస‌లు వినిపిస్తున్నాయి. ఆకాశ‌మే నీ హ‌ద్దురా- జై భీమ్ లాంటి ఆఫ్ బీట్ చిత్రాల‌తో స‌త్తా చాటిన సూర్య ఇప్పుడు మ‌రోసారి బాలాతోనూ అంత‌కుమించిన ప్ర‌యోగం చేస్తున్నాడు. ఇంత‌కుమునుప‌టి ఆడియెన్ తో పోలిస్తే ఇప్పటి ఆడియెన్ ప్ర‌యోగాత్మ‌క‌త‌ను కోరుకుంటున్నారు. ఇది సూర్య‌- బాలా జోడీకి పెద్ద ప్ల‌స్ కానుంది. రా అండ్ రగ్డ్ క్యారెక్ట‌ర్ల‌తో అద్భుత‌మైన మాస్ చిత్రాన్ని ఈ జోడీ నుంచి ఆశించ‌వ‌చ్చు.