ఫోటో స్టోరీ: రాక్షసికి చిరాకొచ్చిందా??

'అందాల రాక్షసి' లావణ్య త్రిపాఠి తన కెరీర్ మొదట్లో మంచి విజయాలతో టాలీవుడ్ లో దూసుకుపోయింది కానీ ఈమధ్య మాత్రం స్టార్ హీరోయిన్ అనిపించుకునే రేస్ లో వెనకబడింది. పోయినేడాది 'అర్జున్ సురవరం' సినిమా విజయం సాధించడంతో కాస్త రీఛార్జ్ అయింది. దాదాపుగా ఫేడవుట్ అయిపోయిందనే దశలో తిరిగి లావణ్య కెరీర్ మళ్లీ పుంజుకుంటోంది. ఈ సమయంలో సోషల్ మీడియాలో యాక్టివ్ గా ఉంటూ నెటిజన్లతో నిత్యం టచ్ లో ఉంటోంది. ఏదో ఒక ఇంట్రెస్టింగ్ అప్డేట్ తో ఈతరం భామ అనిపించుకుంటోంది.

ప్రస్తుతం మనం ఉండేది కరోనా కాలం.. లాక్ డౌన్ తాళం. "చైనా గారు కరోనాని ఇచ్చారు.. మోడీ గారు లాక్ డౌన్ ఇచ్చారు. దీంతో జనాలందరూ ఇంట్లోనే చచ్చారు".. లాక్ డౌన్ సమయంలో క్రియేటివిటీ చచ్చిపోవడంతోనే ఇలాంటి చచ్చు పుచ్చు కవితలు వస్తున్నాయి. క్రియేటివిటీకి కావలసింది స్వేచ్ఛ. అది తగ్గినప్పుడు
ఆటోమేటిక్ గా క్రియేటివిటీలో కూడా క్వాలిటీ తగ్గుతుంది. ఇదంతా సాధారణ వ్యక్తుల సంగతి. అందాలరాక్షసి సంగతి వేరు. లావణ్య తన ఇన్స్టా ఖాతా ద్వారా ఒక ఫోటో పోస్ట్ చేసింది. ఈ ఫోటోకు కు "లాక్ డౌన్ నన్ను ఇలా చేసింది" అంటూ క్యాప్షన్ ఇచ్చింది.

ఈ ఫోటోలో రెడ్ కలర్ టాప్.. ఆ పైన బటన్లు లేకుండా ఒక డెనిమ్ జాకెట్ వేసుకుంది. పైన బటన్లు లేవు కింద బాటమ్ లేదు. వీటికి తోడు ఫేస్ లో ఓ రకమైన ఎక్స్ ప్రెషన్ పెట్టింది. జుట్టు కూడా చిందరవందరగా ఉంది. ఈ వాలకం చూస్తుంటే.. "పెద్దగా పీకే పనేమీ లేదు. వంట చేయడం.. తినడం.. అంట్లు తోముకోవడం తప్ప" అన్నట్టుగా మనం అర్థం చేసుకోవచ్చు. ఇక సినిమాల విషయానికి వస్తే ప్రస్తుతం లావణ్య 'A1 ఎక్స్ ప్రెస్' అనే సినిమాలో నటిస్తోంది.